呢套戲我睇既除左佢既CG特技之外，睇既仲有係佢既深層意義，雖然結局Leonardo DiCaprio究竟係喺個夢裏面定係去左現實，我真係好想知，但令我諗既唔係呢樣野，我諗既有幾樣野，首先，夢既問題，如果真係有呢個技術，咁世界咪會好混亂，咁有錢人全部資料咪都可以俾人潛入到，其次，夢中夢既問題，如果最後飛機都係個夢，咁究竟人類係可以入到幾多層夢，再者，植入思想既問題，植入思想如果真係咁易，呢個世界就會變番古埃及時代，奴隸制度，因為植入思想咁易，只要搵到個個人最深處就得，咁只要植入落大部份人到，咁咪可以同皇帝一樣，咁呢個世界亦會變成點，最後，有時我都會同男主角幫女主角植入既思想咁諗，雖然呢個諗法係錯誤，但呢個想法毫無而問係值得大家諗下，好多人話上天創造人類，咁其實有冇可能人類一直都係喺所謂上天既夢境之中，從來都冇人類，因為就好似Inception既講法，痛楚係夢境中會感受到，但死亡先可以從夢境之中醒番。與此同時，我都好同意導演講個句，夢境同現實兩樣都要好好記得同記住，因為呢兩樣野都係由自己創造而係可以創造得更美好。
