工展會正式開鑼啦！想搵台灣美食一解旅行癮？咁就一定要試試以下大受好評、由攤位3B11「旭盛行香港有限公司」代理既：饗一堂大腸麵線、饗一堂基隆廟街一口腸、蔥阿伯黃金玉米餡餅、蔥阿伯九層塔千層拔絲抓餅。而且全部都係台灣製造，百份百正宗味道！點擊圖片放大 🚩 饗一堂大腸麵線✣ 講起台灣又點少得經典美食大腸麵線？饗一堂嚟款麵線都幾大包，夠兩位食量正常既女士食用。大腸味香濃，配上台式香辣蒜泥同烏醋汁料，以及軟軟既麵線，整體味道相當唔錯。🚩 饗一堂基隆廟街一口腸✣ 如果用煎既方法整，先將真空包放入滾水煮3分鐘，再去除包裝煎至金黃色就搞掂。嚟盒一口腸係桂花蜜汁蒜味，外皮煎完脆脆地，但入面仍然保持到肉汁。蜜味同蒜味都好出，一啖一粒剛剛好～🚩 蔥阿伯黃金玉米餡餅✣ 唔好睇個盒細細，但其實入面有大約成20粒煎餅。就算係急凍食品，翻熱後個皮一樣好煙韌，入面啲餡好足，有豬肉、青蔥同栗米，而且真係食到一粒粒栗米。食完唔會話好油，同埋個都仲保持到肉汁。🚩 蔥阿伯九層塔千層拔絲抓餅✣ 抓餅又係好大塊好抵食，同埋只要落少少油煎，就簡單地好快完成。九層塔令到成個抓餅更加香，而且抓餅一層一層，酥鬆又柔韌！如果平日唔想食飯咁悶，其實可以煎一塊嚟款餅，加再火腿、芝士、蘑菇，就可以整到好好味既手抓餅～點擊圖片放大 +2 ✱ 旭盛行香港有限公司 #饗一堂 #蔥阿伯 #台灣美食 #旭盛行香港有限公司 #工展會【喜歡這篇文章的朋友，記得 Comment、Like、Share 我的博客！】*****Mother Christine 教煮 / 飲食 / 旅遊 / 扮靚 / 購物IG: mother_christineEMAIL: motherchristine517@gmail.com
