位於灣仔謝斐道既「Two Ediots」主打多款美式漢堡，份量十足而且仲加入唔少特色配搭～今次就試左佢地既「軟殼蟹牛肉漢堡」同「啡菇芝士牛肉漢堡」套餐，另外每日仲有不同優惠，有興趣試既朋友就要留意啦！ 點擊圖片放大 ❒ 軟殼蟹牛肉漢堡 HK$98 ＋＄25 配炸甜薯條及可樂 ❒ 啡菇芝士牛肉漢堡 HK$88 ＋＄25 配黑松露炸薯條及朱古力奶昔 點擊圖片放大 餐廳裝潢好有外國感覺，以藍色同橙色作為主調，有半室外吧台座位，歡迎客人帶同寵物到訪。兩款漢堡既麵包都有烘過，兼即叫即整，所以軟殼蟹炸得好香脆。同埋本身舊軟殼蟹都好大隻，再加埋牛肉，對女士嚟講一定夠飽！ 點擊圖片放大 至於另一款漢堡就用上超大啡菇做賣點，外層炸得好脆，但同時內裡亦保持到菇既新鮮。加埋牛肉再多個層次，芝士亦可以拉絲，店員特別推介既嚟款果然好味。 點擊圖片放大 平日唔係間間漢堡店都會提供炸甜薯條，所以一見到有就即該嗌嚟試試，炸得好香而且食落唔會膩。炸薯條加上香濃既黑松露醬，將成件事變得更特別。朱古力奶昔配搭冰沙，唔會過甜，同埋飲到朱古力嘅香濃。 另外當日每人送芝士條或雞翼，前者煙煙韌韌兼咸香脆口，後者炸到剛剛好，但內裏仍然保持到肉汁，兩款小食都唔錯～ ✱ Two Ediots 地址：灣仔謝斐道151-161號金聲大廈地下B號舖 【喜歡這篇文章的朋友，記得 Comment、Like、Share 我的博客！】 ***** Mother Christine 教煮 / 飲食 / 旅遊 / 扮靚 / 購物 IG: mother_christine EMAIL: motherchristine517@gmail.com
