雖然香港一向依賴進口食材，但其實我地都有自己本地養殖既有機魚架！今次嚟條「有機羅非魚」就由本土漁場出品，味道清甜無泥味，想知道可以係邊買到就繼續睇落去啦～點擊圖片放大 ❒ 料理方法解凍後印乾魚身，每邊界約三刀再用鹽醃十五分鐘。之後下油將每邊煎香，再落佐料如蒜頭豆豉回鑊，最後加蓋焗約七至八分鐘，就可以炮製出鮮香味十足既煎羅非魚。整體而言，頗為大條而且肉質彈牙，無雪藏或腥味，用簡單家常做法都可以整到好好味。❒ 購買方法想支持本地有機漁業，買天然無污染既食材，就唔好錯過11月7日（星期日）係赤柱廣場舉行既「本地有機水產節 2021」！當日會有多間本地有機漁場、有機認證農場及零售商參與，可以即時選購多款水產及食品。另外，亦設有多個攤位遊戲及打卡位，方便一家大細一齊響應綠色低碳生活～✱ 香港有機資源中心Facebook: HKORC 香港有機資源中心【喜歡這篇文章的朋友，記得 Comment、Like、Share 我的博客！】*****Mother Christine 教煮 / 飲食 / 旅遊 / 扮靚 / 購物IG: mother_christineEMAIL: motherchristine517@gmail.com
