荃灣區既「麻辣風雲」一早累積左唔少好評,終於跨區開到銅鑼灣,辣妹子必試麻辣新店! 餐廳面積占上一整層,甫進門口,以梅蘭菊竹四面屏風佈置,設獨立房間供預約,我們一行二人便安排了卡位入座。 🚩 炸饅頭 $58✣ 以名著《三國演義》諸葛亮草船借箭為題的炸饅頭船,餐廳必點的打卡名物,一上檯煙霧離漫,非常有氣勢!饅頭表皮炸到脆卜卜,內裡依舊軟綿綿,除左附送牛奶醬,還另附朱古力、綠茶、芝麻醬三款,CP值非常高! 🚩 涼伴雞絲粉皮 $68✣ 粉皮麵條Q軟,配上濃濃的花生醬、青瓜絲,夏天享用非常清爽醒胃! 🚩 雲南過橋米線 $78✣ 想一次過試多款配料,於是揀左有十三款配料既雲南過橋米線,我地點左中辣,麻辣度驚人,米線吸收哂所有湯汁,每啖都麻麻辣辣,唔食得辣既人~千祈唔好挑戰👅💦 🚩 菊花蜜+$18(米線加配)| 鮮芒椰果玉露 $38✣ 風雲特飲以小壺奉上,冰凍的菊花蜜,配上2個小杯,有幾分「對酒當歌,人生幾何」的意景,相對有趣!鮮芒椰果玉露份量亦唔少,值得一點!