工作繁忙，平時冇乜選擇都係食開大集團嘅嘢食,你唔悶我都悶吖!所以MoSo決定開一個<<舊區美食>>嘅主題❗️❗️去捐窿捐罅回憶返舊區，發掘唔同嘅美食😍呢集會以MoMo細個住嘅地方土瓜灣為題首先嚟到呢間日昇小食😍 我哋選擇左韭菜餅$16(三個） 即炸嘅韭菜餅熱辣辣，熱辣辣好熱好熱吖😵💫❗️鍾意韭菜嘅朋友就咪走寶啦裏面真係好多韭菜汁，份量仲要足夠。兼且對比起其他韭菜餅相對冇咁油膩❗️評分:8.5/10分～P.s.SoSo唔夠一個禮拜又再返嚟買😆土瓜灣馬頭圍道428號地下C舖營業時間：星期一至日12:30pm-12:30am買完韭菜餅落大雨🔥緊急情況下我哋入咗嚟商場，發現有間台式飲料店，位置闊落又可以避下雨。於是乎我哋入咗去探索下呢間初茶x山雞部 除咗飲品仲有好多小食，但計劃不變所以MoSo最後淨係買咗一杯焙火烏龍茶24$(大杯）。味道濃厚，亦可能我哋叫咗半糖關係茶味更加突出，更顯得清甜🥺算係中規中矩冇特別衝擊。但空間感舒服亦可以作為飲食襯托，呢度就比到舒服嘅感覺❗️評分:7/10分～土瓜灣農圃道18號LG樓3號舖營業時間星期一至日:11:00am - 21:00pm跟住尼就係沾仔記喇❗️😆 原來呢個牌子已經有60年咁耐歷史 總店位於中環 但呢間分店我細細個已經喺度！😵💫 整返碗雙拼雲吞牛肉麵39$先啦，加少少荔枝醋再食…加多一層層次感❗️湯底聽講係用羅漢果、大地魚同豬骨熬，飲落去口感唔係齋濃而係鮮甜⁉️ 雖然一碗麵得兩粒雲吞，但一粒雲吞最起碼三隻蝦😳 Size大大粒。牛肉亦好柔嫩。一碗雙拼嘅雲吞麵可能唔足以令你好飽 但作為下午茶絕對適合 ❗️ 評分:9/10分～價錢同食物質素絕對相符 呢間麵檔唔使問我一定會再返嚟食😍土瓜灣譚公道50號8號舖營業時間：星期一至日08:30-21:15呢一間譽麵坊同樣係我細細個成日食😵💫由一開始喺商場到而家已經搬遷過兩次，但佢依然屹立不倒，實有去過人之處👏🏻 新鮮熱辣嘅雞球$38（加粗麵），食落去唔會太油膩 而且size份量絕對唔少，加上呢個南乳汁隱約有少少酒香味，味道一擁而上 🤩除咗米線亦有撈粗撈麵等等…食到開始口渴時，隔離仲附送一碗清湯中和一下唔會口寡🤣MoMo:8/10分SoSo:6/10分((原因係SoSo未食過撈粗麵口感覺得麻麻地土瓜灣譚公道長城大廈16-20號營業時間：星期一至日:11:15am-10:00pm食完譽麵坊行到對面，嚟到呢間40幾年連街坊都知道嘅世紀士多❗️ 記得當初舖頭連埋右邊舖，聽講老闆決定當時唔做，但見好多人都唔捨得佢哋嘅椰汁，所以決定留返呢個細細嘅舖仔就主打買椰汁。 11$細杯裝椰汁，香濃椰奶味但飲落去口感清甜，即係你飲完係解到渴嗰種，其實鮮榨椰汁市面上已經唔多樽裝買$22 MoSo 覺得一啲都唔貴 ❗️評分:9/10分((CP值極高~土瓜灣譚公道 50 號德勝大廈地下 3 號舖營業時間：星期一至日:10:00am-10:00pm接落嚟就到呢一間金加利冰室 食品款式可以係話超多❗️如果有選擇困難症我諗要揀好耐😆 我哋分別叫咗南乳炸雞全髀配叉燒意、腐乳西多士配雞翼、紅豆奶茶and 玫瑰綠茶👏🏻👏🏻係我哋落單時我照讀菜單名，但侍應竟然回覆我即係炸雞俾同西多士係咪？我照講多一次菜單名，侍應都話係…結果 出到嚟真係一個普通嘅炸雞髀同一個普通西多士…我哋完全品嚐唔到所講腐乳，南乳嘅味道⋯雞髀肉質乾身🙄西多士亦冇特別…而紅豆奶茶亦唔啱我哋胃口，最後只有茶包玫瑰綠茶優勝⋯因為好香好清甜😂評分:5/10分土瓜灣北帝街24-26 號地下營業時間：星期一至日:07:00am-11:00pm去到最後尾聲，就係呢一間譚公道小食初記 MoMo細細個放學時候最愛選擇😍 就算而家MoMo覺得$12蚊4件水準依然對得住呢個價錢。點解我咁講？首先介紹炸豆腐，外皮依然咁脆，咬落去多汁 😍魚蛋照舊外脆，內彈牙亦係人氣之選,茄子同尖椒佢唔會一pat嘢咁軟爛,會保留一定口感,加上上面嗰浸肉仲好多。 評分:8.5/10分土瓜灣譚公道50號德勝大廈地下3號舖 營業時間星期一至日:09:00/10:00am-9:00pm咁今集嘅時間又差唔多啦 多謝大家收看❗️下一站我哋會去到天后嘅酒店同大家體驗一下🤩希望大家可以subscribe like同埋share出去比有興趣嘅朋友知啦💕💕Welcome Subscrube💕🤩YouTube Channel：https://youtu.be/8JBbX6s9x_E😍Instagram：https://instagram.com/moso.hk_travel?utm_medium=copy_link
