上個月前誤打誤撞在這間食過一次烤魚，當時覺得真心唔錯，食完仲有啲心掛掛，想不到尖沙咀都有分店，所以今次同朋友出街就揀呢間食飯喇~ 入到嚟原來都幾大下，有2層，坐得都幾舒服。見到他們有設自助調味料，對於我這種重口味人士簡直大加分喇🤩！不過我啲朋友就覺得完全夠味，唔洗額外調味，所以大家可以睇自己需要。調味區隔離仲有幾樣水果可以解油膩解辣，有番茄仔，蜜瓜和西瓜，個樣都幾新鮮。 重頭戲當然係食魚喇！有三種魚可以揀，價錢都差不多。湯底就有六款咁多，我地揀咗香辣味小辣，其實很想試試泡椒味哈哈！有興趣嘅朋友可以試下，順便寫埋食評比大家😁。配菜可以揀四款，我地揀咗紫洋蔥，蓮藕，豆芽，萵筍，另外仲加咗幾款海鮮同豆卜，海帶。相當豐富！有點大食哈哈😬！條魚真實睇仲大條，又爆荽又多料，煮滾之後勁香嘅辣椒味👍🏼👍🏼 湯底香辣但唔會死鹹，係有餘韻嘅辣，再加埋海鮮簡直無敵，不過因為我重口味，所以可能大家食會覺得有啲啲鹹，但都係好好味🤤。 魚肉嫩滑彈牙，冇乜骨，可以大大啖，啖啖肉！魚皮炸完之後再索湯，香辣可口，正😋😋！嘢飲超大杯，大杯到嚇親我😅。不過有少少甜，下次可以小甜。 今次餐飯都食得幾滿足，職員仲會幫手分魚，服務都幾好。雖然食到成身烤魚味，但下次會再嚟！
