之前講過短居澳門，這裡疫情穩定所以都好放心外出報復式飲飲食食，幾日前就試了St. Regis Macao的The Manor。 對St. Regis品牌印象一直好好，特別是其低調奢華的現代設計。不過我其實對St. Regis Hong Kong印象一般，主要係佢2/F個The St. Regis Bar個露天位置好似因牌照問題，你可以選擇出去飲野，但要自己攞出去──係！你無睇錯，室內落單同俾錢，然後自己攞杯野出去……講返St. Regis Macao，落的士服務員開門嗰吓，已sense到你要去邊，同我講定點行。酒店設計係Wilson Associates主理，貫徹品牌作風。The Manor從開業以來一直備受推介，從走進門口到坐低，四周簡約設計，營造了輕鬆的用餐體驗，唔會刻意高大上。 餐廳主打優質及可持續食材，呢晚嘗試個four-course menu（只係$688），每個Course都唔錯，餐廳會定期出新餐牌，官網可見我不多講。剛好某些紅酒白酒半價，開了支不錯的紅酒都係$400。下次可以試試另一個feature海鮮menu──"Stories of the Sea - The Seventh Chapter"。另外，有一位員工服務特別專業，可惜無問到姓名，只是俾了decent小費。點擊圖片放大 St. Regis Macao近期最熱門應該係佢上年11月剛開業的The St. Regis Bar，遲D去完再分享！另外，酒店係金沙revamp的澳門倫敦人入面，好多新開餐廳，特別係Churchill's Table，again遲D去完再分享！ The Manor | St Regis Macao 1/F (澳門倫敦人)午餐 - 中午12時至下午3時晚餐 - 晚上6時至11時Menu | https://www.themanormacao.com/our-menu #三百字澳門筆記 #Morningjoanna #早安娜
