因工作及家庭原因暫居澳門，以往人滿為患的城市而家遊客極少，反而有機會看到不一樣的城市風貌，正如一位澳門朋友所講──這才是細個時候的澳門。 好多人去官也街買手信，都會到龍環葡韻及嘉模教堂打卡，沿路同葡式建築合照。行多兩步，其實還有兩個地方值得一遊。第一個係龍環葡韻對出的龍環葡韻濕地──而家應該不再是濕地而是生態池，上面係龍環葡韻生態步道，可以欣賞生態池風光及對面酒店群建築。 其中步道上設觀鳥屏障，我個人就咁幸運見到任何鳥類，不過屏障設計影相效果幾靚！ 第二係就係大潭山。龍環葡韻側有一條路可到登上大潭山的斜行電梯。我幾年以來每次到澳門都望到這部登山纜車（係！我以為係纜車！），不知有何功用，原來係可以輕輕鬆鬆登上半山瞭望平台的電梯，一覽氹仔風光，特別係金光大道酒店群。 從平台側邊可走到大潭山步行徑開端，有幾條不同路線，其中一條可登上海拔159.2公尺高的氹仔最高點。我選擇普通圍繞大潭山行了一圈，全程平路，舒服服服，沿途睇到金光大道、澳門機場及友誼大橋等風景。 特別建議大約四點幾上去，沿步行徑圍著大潭山走一圈，走回原處平台可以睇埋日落及路氹金光大道夜景。 -Jo #三百字澳門筆記 #Morningjoanna #早安娜 大潭山步行徑網頁：https://nature.iam.gov.mo/c/trails/detail/951d9459-3c93-477a-ae38-a908fb725a06龍環葡韻濕地https://nature.iam.gov.mo/c/nature/detail/f5384a66-4abb-480c-ba30-54d85d29721d
