放工到了葵芳行下買野，葵涌廣場出名小食林立，多款選擇， 來到不如順便食小食當晚餐，之前多數食港式小食同日式手卷等，今次好奇試下其他，上網見到廣場有幾間泰式小店，留意左泰風SO，個名好攪笑，硬係覺得泰式食店好鍾意玩食字，仲要同場有分店，一間係地下一間係2樓，見到芒果糯米飯，好想食，一於試下了。 點擊圖片放大 去到地舖，拎左張傳單來看，有不少泰式小食，價格都幾平，泰式海南雞飯都好吸引，但最想試都係芒果糯米飯，買時店員會問椰汁要唔要分開上同多定少，要了多的，好窩心呀。 點擊圖片放大 四色芒果糯米飯，$30，波波形的糯米飯，賣相十分可愛，有黑糯、白糯、粉紅糯(紅菜頭)及青糯(班蘭)4色，色彩繽紛，黑糯口感較煙韌，清淡的椰香味，白糯口感有點硬，淡椰香味，粉紅糯唔太食到紅菜頭味，比較甜的味，青糯是班蘭，唔太有班蘭味，四色的味道上都有微妙的分別，當中最好食是黑糯，半個芒果少甜。 水準普通，但幾抵食，有下次呀。 葵芳葵富路7號葵涌廣場地下A76B號舖
