High tea high上癮，上網見到L'Occitane與港麗酒店合作推出花香下午茶，仲有禮品送，即想去呀，可惜花香下午茶只限星期一至五才有，星期六日是tea buffet，不過一樣有禮品送同甜品差不多，於是照試下了。，BOOK了兩位。 Tea buffet x L'Occitane 2016年7月18日至9月18日 (周六及周日)下午3:30-5:30 每位$258 因恆生卡有7折再另收加一，兩位加埋是$490.5。 點擊圖片放大 +2 環境甚有個人空間，坐得都幾舒服。 tea buffet，食物以小食為主。 每次食buffet，都比甜品吸引，L'Occitane40周年蛋糕十分搶眼。 點擊圖片放大 鬆餅，必食。 忌廉磨菇醬及酥皮盒。 鹹點。 雪糕。 凍檸茶，味道較淡。 第一轉，先來至愛的鬆餅、味道不俗，配上香軟的牛油更好味，菠菜芝士包、火腿芝士三文治及鵝肝醬餅乾正常水準，酥皮腸仔卷幾好味，蕃茄水牛芝士，芝士味淡。 第二轉，鹹點，焗薯皮香口惹味，芝士蕃茄、壽司味道普通。 迷你漢堡，厚身的牛肉漢堡，多肉汁幾好味。 忌廉磨菇酥盒，熱騰騰的忌廉磨菇，味道濃郁，酥盒口感鬆脆，幾好味呀。 甜品時間，先試下L'Occitane40周年蛋糕，濃郁的黑朱古力味，入面是朱古力慕絲，口感軟滑味道不俗，洋甘菊法式馬卡龍，賣相充滿夏日之感，味道清香不太甜，上層的洋甘菊據聞可食用，但我冇食呀。 窩芙是即整的，外脆內軟，配上雪糕更好味。 還有布甸也很精美呀。 去到邊都捉精靈。 埋單時會有張卡比你，拎去分店換禮品，我們係金鐘順便換了。 因為數量有限，本身有洗髮水、護髮素、舒緩沐浴啫喱、潤膚乳、乳木果潤手霜、化妝包及50元折扣禮券共5件，而加只有沐浴啫喱、潤膚乳、乳木果潤手霜、化妝包及50元折扣禮券。 Tea buffet食物選擇上不太多，水準普通，不過坐得幾舒服，同有野送，$250一位來講都ok。 送的禮品上有點出入果下感覺不太良好。 金鐘金鐘道88號太古廣場港麗酒店大堂
