2014年年尾因為工作得太疲累，好想去個旅行平衡下，最後光速搵到兩個好朋友同行，而家諗起都好多謝佢地肯接受呢個瘋狂既邀請呀！不過一聽到我去台中，好多人既反應都係冇野玩同悶，但去完今次既旅行之後我完全唔覺得係咁既一回事。 要臨時出發要平當然就係要廉航 : ) 台中機場的確好細，細到所有手續都極速完成，亦未嘗唔係一件好事，哈哈！去完酒店後我地就出發去左第一站草悟廣場。第一餐竟然係甜品，錯晒(笑) 不過真係幾好味同店舖裝修非常優美!! (光之乳酪食記明天補上，請期待 : )) 第一日到達剛好是星期日，整個廣場非常熱鬧，會有市集同唔同人士表演，去既時候記得揀啱日子！夜晚去左一中夜市，同台北唔同，呢度大部份既野食都新奇好味，試左睇《撒嬌的女人最好命》既烏梅蓄茄(堅好味!!) 同無限塊雞扒…. 不過都唔錯! 其實去得台灣，又點會唔識光南大批發呢個寶地，去之前上網睇話台中冇分店，好失望既我地突然遇上佢，揀直興奮過轉角遇到愛XD 第二朝食完酒店早餐就去左宮原眼科朝聖，杯雪糕其實好大杯，一個人應該食唔晒… 仲黎左個BRT初體驗，特別既外型（連個站都係型既）刺激既享受，哈哈！之後就出發前往谷關，後尾台中一個朋友同我講先知，原來正常去台中旅行既人都唔會去谷關，因為唔係自己揸車去就唔係好方便，不過其實有公車可以直接到達，一程約2小時左右，要去都唔係咁困難既，而且景色唔錯，秋天去時開滿紅葉應該會更靚！ 溫泉內遇到的姐姐們都好友善，仲教我地點樣正確浸溫泉 離開谷關，我地出返台中市大台中國際會展中心睇小新展~~~ 會展中心位於烏日站，呢度好大，同埋有紙箱王，一間非常唔錯既餐廳！(都會有食記架，請細心等待) ————————————————————————————- 待續
