情人節送禮大合集 情人節送禮物比情人, 又想得睇, 又想有心思, 又想情人收到甜入心, 真係唸爆頭嫁…..希望以下嘅idea幫到大家啦. =] 我和你的愛情故事 依家影相咁方便, 相信每對情侶都有大量自拍相. 趁住情人節整理一下你地嘅甜蜜合照, 做反本文庫本, 相片加上愛的宣言, 包你的情人睇每一頁都甜入心~ p.s. 官網仲有作品分享, 大家可以參考一下, 再打造你地專屬的甜蜜回憶~ TinTint 點點印 https://www.tintint.com/product/info/bunko 不二情書 | 書燈 唔善於用文字表達自己嘅朋友仔就可以試下呢款「情書」 一句情話, 加上保鮮花瓣, 寓意你地嘅愛情永不凋謝 Starology https://www.facebook.com/starologystudio 幸福，由你來創造。浪漫星瓶 想親手製造的, 更有心思~ 巴黎鐵塔同幸福摩天輪, 同樣係浪漫滿瀉嘅地方, 親手砌出浪漫星瓶加上代表你地嘅小人仔, 再應誠帶佢去個小旅行, 係咪好冧呢~ POSTalk http://www.postalk.com.hk/ DIY風琴相簿套裝 上年爆炸盒子就好hit 喇~ 不過手工都算多, 呢個風琴相簿套裝就好似一個簡單版咁, 一set 有齊啲立體裝飾, MT, 貼紙等等, 簡簡單單就可以做到一本偽高難度相簿都幾抵玩~ 如果想整個進階版, 呢間店仲有DIY相簿放題, 大量高質MT, 貼紙, 燙壓工具, 火漆印等等素材任你用, 仲有十幾款相簿比你揀, 真係好正呀~ Moments-in-Time DIY Shop & Cafe 相．藝集 http://www.mit-diy.com/ 希望幫到大家準備份sweet 爆情人節禮物, 大家都有一個甜蜜難忘嘅情人節啦~ ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動 eMail: monzday365@gmail.com Follow Monzday365: Facebook : www.facebook.com/monzday365 Instagram: monzday365
