係喇～又係邪惡的漢堡 今日黎到土瓜灣呢間No.9 美式裝修配上一眾美式英雄，如果在menu 上加上英雄們的推介，相信會更有趣 講反主角先～menu 上的選擇都不少，魚堡、蝦堡，牛堡等等，而我地就選左邪惡度爆錶的鵝肝漢堡，同黑板上先有的飛驒日牛漢堡！ 芝士飛驒和牛漢堡 首先上場的係飛驒日牛漢堡，可以選芝士同大啡菇，我地就選左芝士喇～ 芝士飛驒和牛漢堡 點了五成熟，但好似生了點。由於仲係生生地的關係，冇太乾或者充滿肉汁的問題，牛味係幾香，加上兩片芝士，實在係經典配搭。 鵝肝漢堡 接住就到鵝肝漢堡上場～ 塊鵝肝真係滴住油嫁，不過冇外脆內軟的口感，而漢堡明顯冇飛驒牛的來得牛味濃郁。 鵝肝漢堡 同樣地係五成熟，呢次就煎得合我其望喇～咁先食到肉汁加嘛 另外我地仲點左朱古力奶昔，中上啦～係泡泡較多姐～ 總括黎講，平均$100一個漢堡餐，咁嘅質素算唔錯喇，如果係呢頭街方係絕對值得推薦的，不過就唔洗專燈入黎食嘅 No.9 地址：土瓜灣馬頭角道28號金都豪苑地下9號舖 電話：2352 6999 營業時間： 星期一至日: 12:00-23:00 ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動 Monzday365 Facebook : www.facebook.com/monzday365 Instagram: monzday365
