終於⋯終於⋯終於食到呢間餐廳！已經黎第三次喇～呢到的鰻魚飯熱潮相信已退了點，但門外仍有長長的人龍，星期五晚上，仲需要在門外吹風45分鐘先入到去。 小店裝潢以木為主，相當有居酒居風味，不過人實在係太太多了，坐得非常迫，座位本身已經細小，仲要「搭枱」形式同其他人坐一張4人枱，所以我地食完就快快離開了。 今日，我地點左名物：鰻魚飯外，仲叫左燒芝士魚餅同炸雞～ 芝士魚餅 燒芝士魚餅最快上枱，燒得不錯，魚餅一啲都唔乾。味道似獅子狗，咬落有豐富的芝士湧出，芝士迷表示滿意 鰻魚飯 鰻魚飯 之前就到其待已久久久的鰻魚飯 佢個外型真係勁似一舊巨型鰻魚壽司 鰻魚飯 鰻魚厚身，本來質素已經好好，用上先蒸後烤的方式，令魚身表面脆口，內裡的魚肉軟霖，最底的魚皮彈牙 口感真係好豐富 而且呢個價錢，有呢種質素，真係好抵食，絕對會回頭呀 炸雞 冇幾耐，連炸雞都黎埋，不過呢樣就真係唔洗叫，十分十分普通，可能太細粒，好快就炸過龍，而且口感亦唔夠。 上次因為等唔到呢間而食左對面的居酒屋，大家可以去搵我另一篇食評睇睇～ 我覺得以鰻魚飯作招徠的味道樂，鰻魚飯當然完勝啦，但店內裝潢，入座舒適度都係對面較好，而且對面的拉麵才是主打，如果只以鰻魚飯作比較，就對佢不公平喇～因爲佢的拉麵，煎餃子，炸物都不錯的 睇你如果一心一意想食鰻魚飯就味道樂啦，如果係想去居酒屋，對面的都係好選擇 味道樂居酒屋 地址：長沙灣元州街498號青華閣地下C舖 電話：2989 1128 / 6121 5113 營業時間： 星期一至六: 12:00-15:00; 18:00-23:00 星期日: 18:00-23:00 ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動 Monzday365 Facebook : www.facebook.com/monzday365 Instagram: monzday365
