#Monzday放蛇手記 對Beauty Glow 凝．美肌嘅認識係youtube 上見到Alice 去試做, 見到間美容院的確好令, 但冇太大衝動去約試做.....直到喺facebook 見到連QQ都去試做就真係即刻拎起電話去預約喇XD 首先, 我選左在銅鑼灣新開的旗艦店, 上到去reception desk 做登記, 跟住坐低填form, 之後就跟consultant 入房了解下個treatment 同我自己皮膚狀態同需要, 除了用$228體驗「色彩能量活膚面部療程」加送「50分鐘香薰舒緩身體按摩」外, 我仲加左差不多$300 試做個15分鐘「開背療程」 之後consultant 就帶我入去睇下個環境喇~ 個裝修的確幾落本, 有一排locker好似gym room 咁、獨立更衣室、洗手間、仲有steam房、浴室、一排梳妝台連基本護膚產品, 風筒……真係放左工過黎, 分分鐘就可以hea 一晚XD 換好曬衫之後就去Snack Bar 烘件多士食住等美容師帶我入房喇~ 入到去先發現原來個場真係好大, 好似睇唔到盡頭咁XD 入左其中一間房就先做「50分鐘香薰舒緩身體按摩」手勢就普通, 無特別. 之後原來要出反Snack Bar再等另一個美容師帶我入另一間房…差D已經訓著的我唯有落反床喇… 之後再做的15分鐘「開背療程」真係令我當時有點失望, 雖然美容師有同我解釋係用意大利手法, 所以較輕柔…但真係hi 下hi 下咁囉, 而且得15分鐘, 好似好唔抵>/\< 不過幾日後, 肩膊真係冇左僵硬的酸痛, 我平時都幾嚴重的, 所以真心覺得神奇XD 佢唔似泰式spa 按摩果種, 佢按完係冇咩感覺的, 但突然就冇左僵硬酸痛的肩膊, 而且只係按左短短15分鐘就有呢個效果, 勁！ 至於「色彩能量活膚面部療程」, 我自己就覺得冇咩驚喜, 美容師係幾溫柔細心的, 我亦都好快就訓左, 不過功效可能要做多幾次先明顯吧~ 之後要再跟consultant入房, 但我向佢表明唔想join course 住, 佢亦冇hard sell =] 言談間發現原來呢間係屬於莎莎集團的, 唔怪得裝修, 設備都咁落本啦~ Beauty Glow 凝．美肌 地址：銅鑼灣登龍街2-22號 V Point 7樓 電話：3980 9827 ＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊＊ 歡迎合作試用．邀稿．出席活動 Monzday365 Facebook : www.facebook.com/monzday365 Instagram: monzday365
