前2個星期在FB見到KXC也出團購,49蚊堂食或外賣自取2人套餐 有4件炸雞,2個蘑菇飯,2個薯蓉,2杯中汽水 好似好抵食咁,所以忍不住拎信用卡出嚟買左,前幾日去咗apm分店兌換 去到門店,排隊買嘢條隊喺打咗3個圈,起碼有20-30人排隊 我O咗嘴,當日並非假日,而喺星期五下午茶時間 竟然我不再稀罕食的炸雞汽水,今時今日還是這麼受歡迎 當時真的不屑為咗食這種垃圾食品而排咁長隊 我坐在近隊尾的座位等少些人排隊再買 等的過程中,在後悔買了團購 中學畢業以來這一類的垃圾食品越來越少食 因為人越大個越驚死,知道這些垃圾食品不健康又熱氣 就算以前小學雞中學雞時代時食極都唔厭 宜家為愛惜荷包,以免日後與醫生為友,慢慢已戒了食 已經差不多忘記家鄉雞漢堡汽水的味道 以前唯一收入就喺爸媽給的零用錢 食唔起健康貴價嘢,唯有食平價垃圾,當時也覺得喺一種奢侈 終於排隊人數越來越少,換了團購2人套餐 由於已徹底戒了汽水,所以以2杯汽水換了2杯熱水 幫我落單的靚女愕然望著我 也許她覺得我傻吧,怎麼不要2杯可樂,只要白開水 我望著她,以堅定的眼神告訴她: 少女,你太年輕了!你知汽水有幾多糖分嗎? 宜家飲咗,將來你的健康要為你埋單 這刻25歲的我,竟以老人家身份拒絕了少女的汽水 回到座位,我看著眼前這一大堆食物竟然覺得厭惡罪疚 坐在旁邊的姐姐拎起她的雞髀撕咬著,並不忘斜視我 也許她是覺得驚訝,怎麼我一個人叫2人套餐吧 但她不知道,我其實邀請咗幾個人與我一齊食,但我最後食了檸檬 最後慢吞吞地終於食完了一個薯蓉和一隻雞髀 鬆了一口氣,完成不要浪費食物的使命,剩下的打包拎走 幾日後的今天,被剩下的還安靜地躺在家中雪櫃