讀中學到讀大學期間，一路都有做開Part-time，一來賺些零用錢，二來試下不同類型ge工，睇下自己適合和鐘意做咩工，三來儲多D工作經驗，為畢業揾工做準備。 特別是最近呢4年，做過不下8份工，第一份系補習社做兼職導師，發覺自己的確鐘意教育類工作，可能因為我從小到大的夢想就是做老師，自自然然便愛上教書吧！其實做老師很辛苦，吃力不討好，付出所有時間精力，還是有怪獸家長不斷投訴，學生同家長一樣難搞。 從事教育工作的同工應該都有共鳴：讓學生由唔識到識，由唔合格到八九十分，呢個過程真的很有成功感！而且教學相長，在教的過程中，自己也學懂如何用不同教學技巧教不同學生，如何與家長溝通，解答家長問題和處理投訴，當中獲益良多。所以回想起來，就算當時，要兼顧學業和兼職的確身心俱疲，但其實很值得，至少唔會死讀書，畢業後，除了有學術性的知識，有張大學畢業證書，同時也積累到工作經驗，懂些少為人處事的方法。 直至畢業後，開始做全職，第一份全職，做了2個月都不夠，便辭職。因為同事之間需要爭奪學生，搏加佣，加人工，所以好快便被老seafood玩針對，同事間的關係好敵對，好冷漠，見面共處都黑口黑面，系人都唔鐘意對住咁ge同事啦！另外一個原因便是老闆系個老女人，平時笑笑口，懶親民，一犯錯，眼神瞬間可殺死人，面窿到包青天咁。。。真系好得人驚！不過，系呢份短暫的全職中都有D得著的：1.同事間若有太大利益競爭，真系好難頂，被人針對和出賣系家常便飯。2.Boss或上司系女人的話會好Q煩，身為女人，都自覺女人的確系一種極易情緒化，好多時都不講道理的生物，好難相處，好難服侍！所以揾工記住揾男Boss，日子會好過D。因為普遍男人都會錫住女職員，特別系靚女職員！ 但不幸地，宜家呢份新工，Boss同上司都系好Q煩ge女人！救命！不得不說女人心真系好難捉摸，一時一樣！D野改嚟改去，設計一個File folder封面都改十幾次，浪費好多時間心機！浪費公司資源！加上好多時要朝早五六點起身出去做野，救命！人地日出而作，我就日未出就要作！真系次次都唔想起身，遲D再凍D，點算?！咁早翻工，每晚要好早訓，訓唔著都要逼自己訓，驚第二朝起唔到身就死火！宜家搞到個人好累，就算訓都唔咁訓得好冧，星期六日都習慣早起，明明唔洗翻工可以訓耐D!好sad！近排真系有D想轉工，不過諗但諗深一層，咁頻繁轉工，份CV一定花曬，遲D見第二工，點解釋好？ 唉！諗嚟諗去，都系繼續做耐D先！其實每份工，都會好多學習機會。睇下D老Seafood一做就做十幾年，真系好佩服!點先可以做咁多年？日日做咁重複沉悶ge野，點捱？有咩令佢地堅持做落去？要需要對呢份工有幾大ge熱誠和喜愛？ 所以我決定繼續做落去，試下解開呢个謎底。想轉工ge人都可以諗下呢個問題，觀察下公司的老員工，嘗試發掘佢地點解和如何可以做咁耐，對公司咁忠心。自己都可以嘗試發掘下公司可愛和值得留低的地方，可能有意想不到的收穫呢！
