剛過試用期，真是值得紀念的歷史性一刻——人生第一份full-time，仲要做滿三個月冇炒老闆魷魚！ 前文說到，新公司同事相處好融洽，無咩壓力。做耐D，先慢慢體會到江湖傳聞中的潛規則。作為一間小有名氣的NGO，原來都有佢ge特別“融洽”文化和潛規則。 1.當清潔姐姐掃地抹檯一定要講：唔該！最好大聲到其他同事都聽到。否則會被認為不尊重，不禮貌！ 2.Lunch叮飯要鬥快，要排隊，叮完要幫下一個人叮埋，先可以食。 3．去廁所，洗完手，只可以用一張紙巾抹手，因為NGO要慳資源，要環保，但其實用一張紙巾抹完隻手都系濕的，不好意思，等自然乾。 4.翻工時間系9-6，舊同事可以9:15前翻到office，新人遲過9點就會有人同你大聲講：早晨！提醒你：可以再遲D! 每日朝早翻到office一定要同全世界講早晨！幾乎逐個講，仲要充滿笑容地。其實，仍處於未訓醒ge狀態，咁搞法都幾累。 5.開會時，新人唔可以出聲，會被人話博出位。咁叫我開會做咩？齋聽唔出聲。 其實去到邊都有潛規則，對於一個新人，仍有很多需要適應。真系步步驚心，總之，跟規則做野，少說話，多做事。希望各位職場新人一齊加油！總有變成老seafood的一天，再改寫公司潛規則！哈哈！
