判斷珍珠品質嘅Tips珍珠可以話係其中一種最受歡迎嘅寶石，但點先可以分辨到一粒珍珠嘅品質？分享下一啲可以幫助大家判斷珍珠品質嘅Tips：圓度大部分時間下，用肉眼就可以睇到珍珠嘅圓度。由於珍珠屬於天然寶石，極少會有完全正圓嘅珍珠出現，亦因為咁，愈接近正圓嘅珍珠就愈稀有。光澤品質好嘅珍珠光澤極強，反射光特別明亮、銳利、均勻、表面嘅反射甚至會好似一塊鏡咁。大小一般嚟講，6mm以下嘅珍珠唔會被列入珠寶級珍珠嘅範疇，而7-9毫米就係最常見嘅大小，10毫米的珍珠已經好難得，11毫米以上就基本上只得黑珍珠或者南洋珍珠有。所以簡單嚟講，愈大粒嘅珍珠就愈珍貴。瑕疵珍珠嘅瑕疵可以分為以下3種：1/ 無瑕：肉眼觀察表面光滑細膩，缺乏儀器幫助嘅話，極難觀察到表面有瑕疵。2/ 微瑕：表面有非常少瑕疵，似針點狀，肉眼比較難觀察。3/ 小瑕：有較多瑕疵，肉眼都觀察到。Source: https://monihkjewellery.com
