最適合送禮嘅3種飾物 要送禮物俾人嘅時候，唔少人都會諗起送飾物。雖然的確係個好主意，但具體要送咩款式就真係考起人。 介紹下3種最適合送禮嘅飾物俾大家： 1/ 幼身線戒 線戒非常容易配搭、戴一隻就可以增強造型感，又可以用嚟配搭其他戒指，甚至係配搭佢本身有嘅單鑽戒指。所以如果知道嗰個人嘅手指size嘅話，送一隻幼身線戒俾佢都係個好周到嘅選擇，佢任何場合都可以戴。 2/ 生辰石飾物 12個出生月份都有各自對應嘅生辰石，而傳說戴住屬於自己月份嘅生辰石會帶嚟好運。喺唔同文化中，屬於每個星座或者出生月份嘅誕生石都有機會唔一樣，甚至喺星期幾出世都會有唔同，所以如果想送生辰石飾物俾人都唔需要過份執著，最重要都係按照個人同要收禮物嗰個嘅喜好去㨂。 以下係比較常見嘅生辰石： 1月 石榴石 2月 紫水晶 3月 海藍寶石 4月 鑽石 5月 祖母綠 6月 珍珠 7月 紅寶石 8月 橄欖石 9月 藍寶石 10月 蛋白石 11月 托帕石 12月 綠松石 3/ 星座 星座主題嘅飾物都係另一個熱門嘅送禮選擇，除咗可以直接送有嗰個星座設計嘅飾物之外，亦都可以送代表十二星座嘅生辰石。 最常見嘅十二星座生辰石係： 白羊座：藍寶石、青金石 金牛座：海水藍寶、土耳其石 雙子座：紫水晶、白水晶 巨蟹座：石榴石、紅寶石 獅子座：鑽石、白水晶 處女座：紫水晶、舒俱來石 天秤座：紅髮晶、紅碧石 天蠍座：孔雀石、綠色東菱石 射手座：綠松石、托帕石 摩羯座：粉晶、阿根廷石 水瓶座：綠色粉晶、捷克隕石 雙魚座：天青石、舒俱來石 Source: https://monihkjewellery.com
