2個最出名嘅珠寶設計風格 對珠寶飾物有少少認識嘅話，相信都會知道有無數種唔同風格，但大家又有冇諗過點解當中有啲設計風格會成為主流？ 今次分享一下現時其中2個最出名嘅珠寶設計風格： 維多利亞風 英國維多利亞女王統治嘅1837-1901年係英國歷史上最為強盛嘅時期，而維多利亞風格珠寶就正正係以維多利亞女王嚟命名。提到維多利亞風格嘅珠寶就會諗起「奢侈」同「唯美」呢2個詞語，用紫水晶、海藍寶、月光石、藍寶石等等不同寶石配合黃金及銀去製作出一件件兼具奢華同濃烈風格嘅飾物。 裝飾藝術 裝飾藝術 (Art Deco)呢個名係來源於1925年喺巴黎舉行嘅「現代工業和裝飾藝術博覽會」。採用裝飾藝術風格嘅珠寶設計傾向會強調幾何元素，亦都會將白水晶及鑽石同時使用，令兩者嘅閃爍及光芒有相輔相成嘅效果。除此之外，對比同幾何元素亦都係裝飾藝術嘅一大重點，強調線條感嘅設計嚟到今時今日嘅審美標準，仍然係非常時尚。 Source: https://monihkjewellery.com
