5月誕生石：祖母綠小知識 祖母綠係其中一種精緻寶石，價值貴重，古時仲會被用作護身符，為佩戴者帶嚟平靜心神。 以下係一啲關於祖母綠嘅小知識，大家不妨睇吓知道幾多個： 1.哥倫比亞係世上出產最多祖母綠嘅地方，佔全世界祖母綠超過50%。 2.1卡祖母綠視覺上會比1卡鑽石大，因為祖母綠密度比較低。 3.祖母綠嘅莫氏硬度係7.5至8，雖然耐久度高，但亦都容易崩裂同碎開。 4.因為佢哋嘅特性，祖母綠係其中一種最難加工嘅寶石，亦都因此提升咗祖母綠飾物嘅價值。 5.評價祖母綠嘅價值時，最重要嘅因素就係成色，唔可以太暗沉但又唔可以太淺色；而最高價值嘅祖母綠成色就係”fancy vivid green”或者”blueish-green”。 6.祖母綠係5月嘅誕生石，喺美國傳統習俗之中亦都會用作20、35同55周年嘅結婚紀念禮物。 7.鑽石淨度需要用10倍放大鏡去觀察，而祖母綠嘅淨度只需要以肉眼就可以觀察得到。 Source: https://monihkjewellery.com
