存放飾品嘅3個Tips 相信大家都會有屬於自己嘅飾品收藏,但係隨住買返嚟嘅飾物數量愈嚟愈多,就會出現一個問題:點樣收納好佢哋? 今日想分享下3個相關嘅tips俾大家: 1/ 注意寶石碰撞 如果有使用咗唔同寶石嘅飾品,要儘量將兩者分開存放,因為摩氏硬度比較高嘅寶石(例如鑽石)有機會刮花硬度比較低嘅寶石(例如蛋白石)。 2/ 定期進行清潔 即使係長期唔會佩戴嘅飾品,你都應該定期攞出嚟清潔一下佢哋,特別係珍珠呢啲有機寶石更需要定期檢查,確保冇出現裂痕。 3/ 保持乾爽 完成清潔及進行收納之前,你應該確保將飾品上嘅殘留水氣抹乾,保持乾爽。呢個做法可以減低對飾品所用嘅金屬構成損耗。 Source : https://monihkjewellery.com/