珠寶配襯嘅3個注意事項 好多時尚達人都會比較鍾意秋冬兩個季節，相信好大程度係因為造型上可以有更多變化。戒指、項鍊、耳環或手鏈等首飾當然係造型必備嘅單品，一齊嚟睇吓用珠寶配襯衣著有啲咩要注意？ 1.場合和環境氣氛 相比過往，今時今日嘅造型「規則」已經算係頗寬鬆，就算喺職場都唔例外。即使如此，你都應該因應唔同場合而佩戴唔同類型嘅首飾：例如，佩戴有大量吊墜嘅手鏈或者長條耳環返工好容易會造成自己或者同事們分心（打字時更加嚴重）。 2. 配合膚色 選擇得好嘅首飾不僅係配襯，仲可以為造型加分。你應該㨂選色調配合自己皮膚、頭髮甚至係眼睛顏色嘅首飾。當然，銀色（或者係鉑金）首飾係最為百搭嘅金屬顏色，有唔肯定嘅話㨂返銀色都唔會有太大問題。 3. 㨂選1-2套「萬用」首飾 最理想嘅珠寶首飾應該係可以於不同場合佩戴，同時適合配襯你嘅不同衣著造型。因此，你可以㨂互相配搭嘅一系列珠寶（例如公主方切割嘅戒指、項鍊同耳環）。 Source : https://monihkjewellery.com/
