指節戒應該點戴？ 所謂指節戒Knuckle Ring，意思係將戒指戴於指關節至指尖之間嘅位置。 佩戴得好嘅話，指節戒可以助你提升氣質，仲可以吸引人注意你嘅指甲。一齊嚟睇吓指節戒應該要點戴同有咩要注意？ 1. 尺寸 明顯地，指節戒嘅尺寸同一般戒指會有出入，因為指關節至指尖之間普遍都比較幼。所以購買戒指時，一定要量度準確尺寸，確保指節戒唔會容易滑落。 2. 配搭 你可以用指節戒去配搭普通戒指，戴同一隻手指更可特顯個人風格。當然，配色方面應該儘量㨂選相同或類似嘅色調。 3. 排列組合 除咗將指節戒及普通戒指戴同一隻手指外，仲可以有好多其他配搭。其中一種可以係於食指及無名指佩戴一般全圈戒指，再將指節戒戴於中指，形成一個三角形嘅排列，層次感更好。 Source : https://monihkjewellery.com/
