終於離開左liverpool,來到glasgow 感覺空氣都清新D. 男友租左間好近火車站既旅館，非常方便。 但悲慘既事來啦，成個旅館得一個好窄好窄既樓梯，無Lift，我地要靠自己力量一人抬20KG行李上去都咪話唔想死。 入到房發現自己變左harry potter,住系樓梯底咁。樓底非常低，我得159CM都經常撞親頭。 唔理啦，擺低行李即刻出街食飯同繼續玩啦。系香港成日覺得pizza hut 貴唔會成日食。 來到英國先發現原來pizza hut系度算系幾平既野。 食食下飯，無啦啦聽到出面有D哨子聲，然後有一陣既歡呼聲。 我同男友都好好奇發生咩事，但出到出面又乜都無凈系見到條路封左。 我地估緊系咪有遊行示威或者恐怖襲擊呢？（哈哈好中意幻想電影情節） 食完飯決定同男友&朋友同D路人一齊企系街邊睇下究竟發生咩事。 等左一陣，又聽到哨子聲，之後竟然有D單車手系我地面前經過。 原來系進行進圍繞glasgow 既單車比賽。比賽會進行一個下午，大部份街道都會封路然後有義工系無單車經過既時候先比行人過馬路or過對面。單車選手需要圍繞glasgow踩一定數量既圈數。 男友系個單車迷，睇唔到環法既佢比佢睇到環glasgow都算圓下夢:) 每次有單車群經過路人都會尖叫歡呼幫佢地打氣，氣氛非常熱鬧。 主車群，好快咁系面前飛過左... 系真系飛過，原來呢D單車比賽會有好多戰術。 好似排第一個選手咁，佢既作用系幫後面第二名果個隊友擋風（無錯系擋風）。我第一次聽擋風呢樣野既時候系非常不能夠理解，直到我之後系哥本哈根踩單車親身感受之後，先發現原來有人系前面擋風系會令自己踩得快好多同舒服好多先相信呢樣野幾重要。 第三個人（唔知有無記錯）又負責幫隊友袋住D野咁。 睇左一陣我地就去左本身預定既行程參觀一個教堂同博物館。 我同男友都因為對單車比賽更有興趣，所以覺得快快參觀完，一齊去睇選手沖線。 跟住人群搵到重點，發現好多本地人系度等選手沖線，現場仲有MC播住好high既歌帶領現場人士幫選手打氣，氣氛非常熱鬧。 個人認為，呢個巧遇既比賽雖然同本身預定既行程有所出入。但卻令我更難忘。 我喜歡咁樣既旅行。未必需要最完美既編排，反而一D不期而遇既野更令我感興趣。
