今日男友話帶我去博物館玩，一早起身梗係醫肚先（睇我BLOG ge人要有心理準備，我旅程中影得最多ge一定係食物~哈哈） 係MOSI附近求其搵左間小店，亂叫左份早餐，諗住係包一定無死啦。 點知...一來到發現，凍ge... MANCHESTER氣溫大概2X度，晨早流流食凍包實在唔適合我... 唔緊要啦，起行去MOSI啦! MOSI全名係：The Manchester Museum of Science and Industry MOSI有5個展館...我都唔記得確實係邊5個，只記得有個關於飛機、有個關於火車、有個關於科學，好大行到會好攰。同重點係！！！MOSI係完全免費架：） 當然MOSI好歡迎各位捐錢，我都捐返幾磅:P 原因系一入去時有個伯伯職員好熱情咁同我介紹曬成個MUSEUM，仲話我知應該點玩同咩地點必去。 想知更多MOSI可以CLICK以下網址架:) http://fabstar.org/blog/2012/03/19/fab%e2%9c%b1-summit-manchester-draft-programme/ http://www.mosi.org.uk/ 職員伯伯比左張卡我，張卡可以比我係門口影相，如果想攞返張相可以上返MOSI個網就DOWNLOAD到架啦！好得意！ 展館入面有時有D小遊戲都要用呢張卡嘟一下先玩得~所以入場記得問職員攞啦:D 一入場就會見到呢座電視牆。 由於我無帶相機去，所以大部份相都係男友到~>,< MOSI 有好多靚野值得影架~後補比你地睇~ 呢個科學館（主館2樓）係我最喜歡的地方。 好多小玩意玩~好多小朋友架...我都忍唔住同小朋友一齊玩。 你地估下呢件衫係咩造ge? 去到外國，會發現好多本身以為理所當然ge野原來並非如此。 以搭LIFT為例...呢部酒店ge lift已經令我surprised左一下。 你地搵下呢度同香港有咩唔同？ 無錯！！係無關門制架！！！ 其實我唔知點解，但系歐洲好多地方都係咁。。。 或者系歐洲人想叫我慢慢來 享受生活 唔好在乎快果1秒鐘掛...(自己幻想。。。）
