每逢一年一度生日 ，總想同家人朋友好好慶祝一下。不過香港物價高企，出街慶祝都唔平架！好彩而家有唔少商戶都會為壽星仔、壽星女提供 生日優惠 ，就等MoneyHero.com.hk為大家搜羅2016年各式各樣嘅 生日優惠 ，等大家可以開開心心，又錫住荷包咁過生日！（2016年5月更新資料） 餐飲美食 1）城景國際酒店 城景國際酒店繼續推出生日優惠，壽星只要同4位或以上賓客同行，5月生日嘅壽星就可以免費享用滋味‧海鮮自助晚餐，而同行者亦可用優惠價盡享自助餐。冰鎮海鮮生蠔的鮮美為你帶來一絕的味覺享受，多種日式刺身更添海鮮滋味。想知更多優惠詳情，請瀏覽官方網站。 2）千禧新世界香港酒店 5月生日壽星只要喺呢個月惠顧千禧新世界香港酒店嘅餐廳同酒吧，就可以享受唔同嘅餐飲優惠，例如喺生日月內帶同2位付全費嘅成人惠顧Café East，就可以免費食自助午餐同晚餐！如果喺生日月內去La Table食晚餐，壽星和同行親友都可以免費食法式香煎鵝肝一客，而且逢星期一至日都適用架！按此了解更多詳情。 3）The Mira Hong Kong 同其他酒店比，The Mira嘅生日優惠比較寬鬆 ，生日之星可以喺生日一周內同朋友一齊去WHISK食晚餐，酒店就會送汽酒1杯及生日蛋糕1個。不過要留意番個優惠只適用於星期一至六（包括公眾假期）。大家有興趣嘅話記得要最少一日提早上官網預訂。 3）香港半島酒店 半島酒店最近推出咗「快樂生辰獎賞」優惠，由即日起至2016年12月30日，客人只要喺生日月份內惠顧酒店大堂茶座晚市套餐4位或以上，即可享一客免費套餐同生日蛋糕一個。晚餐每位收費$455，另收加一服務費。不過呢個優惠唔適用於啲特別日子，有興趣嘅朋友要留意番官方網站喇。 消閒娛樂 1）海洋公園 海洋公園今年加咗價，不過遊客只要喺海洋公園票務部出示香港身分證明文件或香港出生證明書，就可以喺生日當日日間免費遊覽海洋公園架喇！詳情請瀏覽官方網站。 2）香港杜莎夫人蠟像館 香港杜莎夫人蠟像館繼續推出「生日之星」免費入場優惠，由即日起至2016年12月31日，訪客只須於喺生日當日、前一天或後一天到蠟像館出示身分證，就可以免費入場！壽星仲可以獲贈生日禮物，包括生日卡及蠟像館禮品店優惠券，同行嘅親友亦可享正價門票半價優惠（最多3位）添！詳情請瀏覽官方網站。 旅遊交通 1）金光飛航 如果你想得閒過澳門玩下，就要留意呢個優惠喇！由2016年1月1日至2016年12月31日起，旅客如果喺生日月份購買生日當月嘅金光飛航市區航線標準艙或頭等艙成人正價單程船票，即可享受標準艙來回套票（每套港幣/澳門幣238元），或者頭等艙來回套票（每套港幣/澳門幣438元）。每人每次最多可買2套來回優惠船票，每7天享受優惠一次。詳情請瀏覽官方網站。 2）昂坪360 由即日起至2016年12月31日，香港居民只要喺生日當天出示香港身分證，就可以免費乘坐昂坪纜車標準車廂（來回）！如果你喺昂坪360已編定保養及維修日當日生日，則可以喺生日月份內任何其他日子蒞臨昂坪360，免費乘坐昂坪纜車標準車廂。詳情請瀏覽官方網站。 想知更多生日優惠，即睇原文MoneyHero.com.hk 2016 生日優惠 大搜羅
