今次得到U Lifestyle 邀請到尖沙咀點一龍分店品嚐由星級名廚陳啟德師傅精心設計的精緻川菜2人套餐。套餐包括： 前菜：重慶口水雞 、 紅油抄手 口水雞滿滿紅油辣椒但唔算辣，雞肉尚算嫩滑。紅油抄手香辣酸麻都適中，不過夾上嚟會皮肉分離，可能放得太多餡料啦～ 小菜：酸菜魚、魚香蝦球 酸菜魚選用野山椒烹調，辣得嚟唔會太搶，配上超多酸菜，湯底酸辣醒胃，亦唔算油，沒有太咸或太酸，魚肉無骨，係整個套餐我最喜歡的菜式！ 魚香蝦球：魚香味夠重，蝦球肉質爽滑而香脆，唔算辣，醬汁加入秘方之一的酒釀，鹹中帶點酒的香甜，醬汁送飯一流！ 主食：擔擔麵 麵條軟硬度適中，但湯底略為不夠香濃，辣椒醬、花生醬味偏淡。個人覺得跟餐應配白飯更佳，可以配搭其他小菜。 甜品：紅糖糍粑 上檯暖暖的，糍粑外脆內軟，非常煙韌，甜而不膩，食完好滿足。 點擊圖片放大 整體來講，每款菜辣道不一，BB辣嘅朋友都有機會食到，不過食得辣嘅朋友可以略嫌唔夠喉。 點一龍 📍尖沙咀海港城港威商場地下G103號舖 U Blog Facebook & IG 點一龍 Facebook & IG ------------------------------------------- ✨更多精彩Blogger活動邀請你一齊參與！ULifestyleApp邀請讀者關注博客及分享美食！✨ U Lifestyle App 推出全新美食關注專區《社群》,以人氣飲食主題內容打響頭炮,由 民間食神/KOL 分享每日美食提案,為各位提供深度交流及搵食平台!仲有每月放 送獨家試食活動! 傳送門: https://bit.ly/3lyWZa9
