上星期五途經登龍街,發現了這間新餐廳,門口黑板寫著「九州第一」,這四個大字吸引了我,便進去了。最初也擔心「九州第一」是否名不符實呢?只要大家看完以下的食評,就會知道答案.... 店舖 店內面積不大,廚房是半開放式設計,坐位太約可容納二三十人。 餐牌 金田家的餐牌非常簡單,只買三款拉麵,分別是經典叉燒拉麵($78)、芽菜叉燒拉麵($85)、至尊叉燒拉麵($98)。但我到訪當日,因供來貨不足,不能提供至尊叉燒拉麵。 ↑雖然開業近一個月,其實到訪當日(5月16日日)都暫時用緊手寫單。 落單 除拉麵外,大家可以按自己喜好加溏心蛋($12一隻)、替玉($9)、多蔥($5)或者不要蔥,同時可選擇麵的軟硬度。 食評 我點選的是芽菜叉燒拉麵+溏心蛋,因為本身有半隻溏心蛋,所以大家會見到我有好多蛋,讓我嘗試逐樣評價吧。 湯底:它選用的是豚骨湯底,濃而香,又不會覺得油膩,不過聽聞芽菜會吸引水份,所以會較其餘兩款的湯底還要清。而且湯底夠熱,乳白色的熱湯呈現很多泡泡,一邊食一邊出汗,但飲一口會有感很豐富值得。 ↑經典叉燒拉麵 麵:我本身喜歡硬身的,所以落單時選擇了硬身,而它選用的是幼都麵條,硬度適中之餘夠爽口彈牙,但又唔會覺得係未熟透,即使慢慢食到最尾一啖麵都唔會變腍,聽聞拉麵份量約100g,較正常少份,非常適合細食的朋友。不過叫替玉都只係加$9,算抵,待應會見到你食到差唔多就會加俾你。 叉燒:經典和芽菜的叉燒是腩肉,而至尊是豬肩肉,如果話入口即溶未免有點誇張,不過叉燒非常腍,脂肪與肉的比例中適中,但偏薄身,女仔食唔錯,男仔大食點就可以覺得少左少少。 ↑芽菜叉燒拉麵(這個才是我點的) 蛋:本身唔好溏心蛋,但覺得加一隻$12,唔算貴就加左,但真係好好味,中間完全流心,蛋味亦濃,係整碗拉麵的加分位。我仲偷聽到當晚9點鐘廚房得番5隻,應該都幾受歡迎。 木耳、芽菜:望上去好似唔多,但食落唔少。 小妹並非專業食評家,上述少少愚見,旨在可以同大家分享好味的餐廳而已。 ↑識食,就一定識睇依張相。此奬狀証明了金田家榮獲tabelog評為2013極度滿意的餐廳。來源:金田家 かなだ家 HK 小結:睇完都知「九州第一」係名符其實啦!因為好好味,我特登上佢官方Facebook睇,知道金田家現時是日本Tabelog福岡排行第一的店。這個網是一個日本飲食指南網,幾個日本人就有一個係該網用家,有絕對的可信性。而且金田家的得分高達4.04分,是網站中約77萬間餐廳中,只有不到0.5%的餐廳達到這個分數,所以值得大家一試啊 ! ↑價錢都算抵,職員會提供冰水,唔駛額外叫飲品都得。 金田家Kanada-ya 地址:銅鑼灣登龍街 34 號地下 電話:2889 3355 營業時間:星期一至日12nn - 10pm 付款方法:現金及八達通,不設加一