萬聖節就到，周圍都有鋪天蓋地的活動同宣傳，大家又決定左去邊度玩未？今日我去全港首個埃及迷城闖關，事關未有錢去真的埃及啊！而且聽個名好似好勁，所以要想親身去睇下同試下。 今次依個迷城話細一啲都唔細，仲佈置得好細緻，好抵讚！迷城入面分為四大部份，宜家等我逐一同大家介紹喇！ 第一關：人形古洞 難度：U (1個U為最易， 5個U為最難) 這一關同《獎門人》入面的大咕窿環節類同，當然難度不一樣。這人型古洞並不會移動，而人形公仔的動作亦非常容易，只要稍微移動身體，即可通過，一家大細都適合。 難度：U (1個為最易；5個U為最難) 第二關：神秘密室 難度：UUUU 入到第二關，我被它的設計吸引住，因為製作得非常認真。這關的任務最考集中力，只要手定，過關應該無難度。不過這個古埃及象形文的圖案都幾多彎曲地方，亦有點兒窄，當電棒碰到邊界，隨即會閃出警示燈光，玩上去幾刺激緊張！ 第三關：黑暗通道 難度：UU 黑暗通道入面，會吹起一陣陣怪風，伴隨昆蟲的叫聲，即使短短的通道都變得漫長。為保留其神秘感，這一關並沒有相片，讓各位參與者慢慢細味箇中樂趣。 第四關：木乃伊古墓 難度：UUU 古墓中有一個木乃伊靈柩，但他的頭和身體分開了，大家要合二人之力，幫他的頭歸位，讓佢死得眼閉！聽上去好易，但木乃伊的頭有一定的重量，而且會有指定曲折的軌道，所以非常講求大家的默契。 大家注意，迷城入面會有一個沙漏作計時，如果你在限時4分鐘內完成的話，更可獲贈精美禮品一份。用沙漏都好古老姐，但可以見到設計者的心思！ 可能大家會問，我唔想玩迷城，有其他特別嗎？絕對有，就係影相，在迷城外面，會有一位4米高法老王等你同佢影相，佢仲會舉起印有法蒂瑪(Hamsa)圖案的左手，圖案中間仲會閃閃發光！右腳仲微微抬起，打算踏扁大家！哈哈，法老王心諗一定有人會扮俾我踏！ 點擊圖片放大 法老王的旁邊會仲有兩隻2米高守護者阿努比斯(胡狼頭神)看守，一隻黑色，係傳統版，而另一隻係金色，原來係The ONE限定版，唔知大家鍾意黑定金呢？ 值得一提，今次佈置都好認真，就連牆邊的圖案、出口、門燈等亦無馬夫！通通都可以俾大家拍照留念！ 點擊圖片放大 +2 「埃及迷城」 日期：9月29日至10月31日 時間：中午12時至晚上10時 地點：The ONE UG2中庭 參加方法：只需於活動期間於商場即日消費滿$200或於L7拍下指定「迷城滿FUN蹤影」相片，即可換領「埃及迷城」雙人入場証乙張。
