今日我有幸到銅鑼灣皇室堡與鬼太郎，以及一眾鬼怪約會，但其實我細個的時候，係無睇過鬼太郎嫁！因為每次亞視播，我都覺得好恐怖，所以會轉台。不過今次見面之後，我對一眾鬼怪改觀啦！ 話說今次係日本漫畫「鬼太郎」邁向45週年，所以皇窒堡專程喺今個萬聖節將一眾鬼太郎的主角由日本境港帶黎香港，同大家見見面！ 現場設計成境港車駅，有不少都抄足，所以好值得拍照留念，以下同大家分享一下8個必影位！ 1.「鬼太郎」列車 車箱可以入去，有扶手之餘，仲有大電視播住鬼太郎動畫以及鬼太郎主題曲！ 2.鬼太郎塑像 細個唔明白點解要遮住一隻眼，但宜家睇都幾有型啊！ 3.貓女塑像 雖然貓女扮出誘人的姿勢，可惜都唔可以同鬼太郎一齊，各自分開！ 4.眼珠街燈 雖然唔係日本境港，但有埋街燈令像真度提高！ 5.眼珠老爹郵箱 境港的郵箱上面係青銅製既鬼太郎，但皇室堡宜個轉為眼珠老爹，一樣咁可愛啊！ 6.Pop-up 電話亭 點擊圖片放大 雖然唔算好大，但電話亭上面鋪上貌似竹、禾桿草物料，令像真度更貼近日本境港的現場。入面會出售多款限量鬼太郎產品，漫畫迷不能錯過啦！ 7.售票機 一個車駅點可以少得售票機呢？快啲去扮買車飛喇！ 8.珍藏手稿告示板 車駅的告示版變身成為一幅刊有15幅從未爆光的手稿，每一幅宦好珍貴，所以唔影近鏡，大家自己去親身欣賞啦！ 除左皇室堡之外，銅鑼灣地帶以及東角都會有相關的鬼太郎佈置及精品換領，大家記得去埋啦！ 最後為大家送上鬼太郎同鼠男幕後花絮！ 點擊圖片放大 「鬼太郎」妖怪車駅 日期：2013年9月28日至10月31日 地點：皇室堡地下中庭
