如果你有追我的博文，上一次我講到去左文創園扮文藝青年，但好趕時間要去另一個文創園，究竟我要去邊呢？ 其實我係約左Hello Kitty係松山文創園見面！講開又講，台灣女生都好鍾意Hello Kitty，原因我都唔知！:P 雖然我並非Kitty 迷，但亦不拒抗拒！今次知道在旅程中，松山會有個Robot Kitty未來樂園主題展，所以專程來拜訪。好似2011年都有係香港舉辦，可惜我無去到，只好今年去番補數啦！ 點擊圖片放大 +2 依個展覽既門票有學生優惠，但我忘記帶學生證，搞到買貴飛！我買左互動套票，台幣$660，會送一個全球獨家Robot Kitty 證件套(隨機送，共5款)，仲可以玩會場既遊戲。 點擊圖片放大 因為我買既係互動套票，可以用下面借回來的robot kitty黎玩5個遊戲，今次我扮演的係助理工程師！ 場內滿佈Kitty同Sanrio既朋友仔，如大口仔、XO、Kerobi、布丁狗等，有勁多拍攝點，所以最好預玩2個鐘左右啦！ 以下同大家分享10大必影位！ 景點1：門口標記，等入去前要影，出左黎就去唔番依度！ 景點2：金色面罩眉Robot Kitty，拎工程師證之前會經過，一陣唔會再行依條路！ 景點3：俾人「打」既Robot Kitty！P.S.右上角個鐘係真嫁！ 景點4：帶上安全眼鏡並配上黃色蝴蝶結既Kitty，寧舍醒神！ 景點5：半邊立體robot kitty！ 景點6：受傷的Robot Kitty！好慘啊！ 景點7：可以俾你扮Kitty，仲有高、矮兩個高度，大人同小朋友都OK！ 景點8：巨大飛天Robot Kitty，高過我同你！我凡既時候冇咩人，可以俾我多角度影佢！ 景點9：完結前有一幅齊集各個sanrio主角的海報，留為記念正！ 景點10：終於完成整個體驗啦！順利打好依份工！ 如果你係kitty迷的話，應該有排影！我出來既時候已經天黑了！ Robot Kitty未來樂園 日期：2013年7月12至10月20日 開放時間 : 星期一至五10:00~19:30 (最後進場時間18:30) 星期六及日10:00~20:30 (最後進場時間19:30) 地點：松山文創園區2、3號 交通：捷運市政府站一號出口(樓梯)、二號出口(扶手電梯)，再步行至忠孝東路四段553巷網站：http://www.robotkitty.com.tw/
