台北最吸引我的，並非夜市，更並非街頭小食，而是一個個由舊日台北風貌演變而成的藝術創意園區！ 有人話，香港的藝術事業發展空間少，欠缺配套，我亦有朋友為自己手作夢想而決定賣藝到台灣，所以今次台北之行，我一定要親身感受台北的文化氣氛，希望可以扮個文藝青年啦！ 我選擇星期六或日去這些文創園區，因為通常都會有額外的活動，如手作市集、表演等等，但缺點是太多人，好多室內展覽都要大排長龍！ 第一站：華山1914創意文化園區 (到訪日期：8月11日) 今次我去到撞正「人字拖」主題的手作市集，我以為難得全部買人字拖，哈！原來只是一個人字拖的品牌的贊助活動，現場仲放左一個好大隻的充氣公仔，一睇就知咩品牌啦！ 現場有約20個攤擋，其中一檔就係其人字拖H品牌。為了推廣，即場買人字拖仲送一個特別版的扣飾，不過得淨色揀，500台幣同香港又差唔多，所以最後忍手冇買！ 點擊圖片放大 由於當日天氣好好，行左一陣買左枝野飲就走去睇表演！現場咁多檔最搶手係賣飲品，依檔就開檔一小時被人搶購一空，要等新貨到！我買左枝岩鹽香蕉紅茶，35台幣，好重香蕉味，帶點咸之餘茶好香，冰凍既時候最好飲，所以大家都係買依枝多！ 點擊圖片放大 +3 其他展覽都好似好好，但我時間唔夠，又趕去下一個文創區，所以冇入去睇，只係路經，影下咋！！ 想知我下一站，去左邊一個文創園，請繼續留意我的BLOG啦！少少預告，就係會見到好多HELLO KITTY！估到嗎？
