好多香港人都對海鮮情有獨鍾，小妹我都係海鮮迷一名，所以今次去台北，決定要去上引水產見識見識！小妹到係行天宮站3號出左，之後沿松江路往民族東路行。由於我有無限上網卡，所以用Google map幫手！ 原來同3號出口都幾遠！至少行10分鐘！途中會經過一座廟，就係「行天宮」。我當然唔會錯過入去睇下啦！ 點擊圖片放大 由於有少少肚餓，只是拍了幾張照片，便離開，出發到上引水產。如果你到行天宮，只是一半路程，要繼續前進！ 終於到啦！ 入去既時候，有保安哥哥幫我地消毒雙手，好衛生！ 入到去就見到我最鍾意既蟹啦！好大隻，估計有幾百隻係現場，工作人員搬運啲蟹既時候，好似當佢地係玩具咁，一啲都唔怕佢地。如果你好鍾意食，同好有米，可以即場叫師傅幫你拆蟹，再拎烤或者食刺身，小妹今次只係得個望字！ 點擊圖片放大 其實上引水產分3PART，地下外面有燒烤區，可以安坐食串燒，上2樓係熟食區。另一部份就係最抵食既超市立吞區域啦！而我最想試下入超市立吞區食，但真係好多人(不是繁忙時間、不是假日)！仲會發現好多港人都鍾意黎！冇位都唔怕，因為可以買一啲PACK好左既刺身，出去外面食(收銀處一入)，會有4-5張枱，不過就冇冷氣，可能會熱。不過可以慳左錢同時間，除左有刺身，仲有壽司、烤蟹腳、甜品、沙律等。另一邊就係「浮華區」，可以坐之餘，仲可以一邊嘆酒一邊嘆蟹腳，超正！ 我同朋友買左兩盒刺身食，價錢忘記左啦！約300台幣一盒！ 另外值得一提是，佢唔單止買水產，水果更加好抵買，西瓜每公斤$25台幣、台灣本土提子一箱6「抽」只要3XX台幣，折返港幣唔駛100蚊，而台灣出名的愛文芒果，一箱8個，每個拳頭大，都100左右港幣，真係好想抬佢番香港。可是，我冇咁快返香港，所以冇買。本身想臨飛前過黎買，但坐下午機的我，最後冇去到，建議大家夜機走既話，不妨早上或下午黎買一箱走！ 上引水產 地址：台北市中山民族東路410巷2弄18號 開放時間：周一至日0600-2100
