今年去過最有誠意嘅活動！作為樓上忠粉，當然唔可以錯過一年一度嘅大型活動啦！ 今次嘉年華以香港70/80年代為主題，樓上製作咗一系列攤位遊戲，「樓上遊樂場」遊戲包括：開心掟階磚（每人3個幣，但超難QAQ） 跳跳全明星（每個人玩親都變袋鼠）深海釣釣樂（經典街機，小朋友大人都釣到超肉緊） 神奇百寶機（夾公仔機但入面係樓上產品，一人一次機會，小朋友可能會多一次）當然唔少得可以免費試到樓上多款人氣美食😋 「食好啲熟食中心」為大家帶嚟：點擊圖片放大 +6 雪耳杏仁椰子雞湯，益生元羅漢果龜苓茶湯茶，薑汁銀耳露，手工鑽石沙布列，菠蘿腸仔，厚燒魷魚片，凍柿乾，黑芝麻酥，蜜汁豬肉乾，鮑魚撈蝦子面，潮式蠔肉肉碎粥，牛板腱扒餐跟薯菜牛板腱扒餐，益生元羅漢果龜苓茶湯茶，薑汁銀耳露都係我嘅心頭好～鮑魚撈蝦子面超級大方，真係好似去飲咁，哈哈！抽獎抽中名人親手製作燕窩楊枝甘露21日中午有明星張兆輝同演員梁祖堯，而參加夜晚場嘅我哋就有YouTuber馬田親手製嘅燕窩楊枝甘露🤩 活動以7／80年代做主題，好多懷舊打卡位📸離開前仲可以借用衫／頭飾，喺五光十色霓虹燈Photo Booth着懷舊衫影相留念，每人仲可以免費憑入場劵曬一張相添👭 現場好熱鬧好有氣氛，小朋友同大人都同時兼顧到，抵讚～ 今次樓上嘉年華嘅設計十分用心，播嘅歌都係大家耳熟能詳。有見到門市同寫字樓嘅職員都打成一片，大批工作人員就算做到夜晚都仲勁有Energy，見我用3個硬幣掉唔中，仲俾多個幣我試多次。臨走仲兩邊排開，笑住同我哋講下次見添。真係一個親切，而且令人食得安心嘅香港品牌！今次活動真心推薦，Thank you 樓上！😋 📆活動日期: 6月21日 至 6月22日 《一連兩日嘉年華 》📌黃大仙龍翔道110號翔盈里8號舖樓上總店
