#中國自由行 #西安 #洛陽 #火車旅行攻略 #china #Mongolia #momojoejoe #多謝訂閱沒有廣告，沒有業配，記得訂閱 贊助支持：Ｄ！＜３/每段旅程都可能有驚喜，也可能有驚嚇，好似我今次由西安出發去洛陽，一睇住宿環境我真係想即刻坐返火車走。130蚊一晚租咗間公寓，牆邊發霉、櫃門壞晒，走廊仲要有一種難以形容嘅惡臭。唯一優點係層數夠高望到市景，咁就一星好評啦🤣第二朝買咗個早餐即刻走人，朝早趕去西安火車站，拉住行李，擠過人潮入站。西安站外觀好似上海世博嘅中國館，內部設計都幾有藝術感，配色舒服又夠冷氣。今次搭Z274火車去洛陽，用硬臥下鋪，時間約四小時四十八分鐘，仲識咗位重慶妹子一路傾計，笑到不停。點擊圖片放大 講到火車餐飲，我哋食咗魏家涼皮、肉夾饃，仲有一枝超難飲嘅刺梨汁（唔建議試😅）。話時話，落車嗰陣喺洛陽低月台，感覺返咗七八十年代，幾有味道。落車後即刻搵地方擺低行李，出發去龍門石窟！龍門石窟係千年古蹟，喺伊河兩岸，一邊係龍門山，一邊係香山，沿途盡是石雕佛像，規模超震撼。最出名係西山石窟，包括唐高宗時期起嘅萬佛洞、大佛像群，仲有賓陽三洞等。啲佛像有啲甩咗頭、有啲風化，有啲保存得非常完整，尤其係大佛嗰尊真係睇到目瞪口呆，行到氣喘都值！點擊圖片放大 唔少人著漢服打卡，我係汗流浹背企住睇佛😅 不過萬佛洞真係值得一睇，整個石壁密密麻麻刻滿佛像，導遊話有一萬五千尊。你諗下喎，一千年前冇雷射切割機，啲雕工可以做到咁精緻，簡直係神級手藝。夜晚仲有夜遊活動，點燈之後啲佛像氛圍感十足，不過真係好熱，熱到我掛住俄羅斯涼涼地氣溫。之後搵咗間地道小食店食灌湯包、炸脆麵、酸梅湯（自家煲！），再行返夜市，10蚊四串燒麵筋，唔食對唔住自己。點擊圖片放大 +4 最後一晚喺洛陽，街上依然好旺，夜晚11點都仲人山人海，賣桂花椰蓉酥嗰阿姨超熱情。有人話香港係夢寐以求嘅好地方，我只能苦笑回應：「呢度都幾唔錯啦...只係熱啲啫。」旅程最後試咗洛陽傳統小吃——桂花椰蓉米糕，原本以為係鬆軟口感，點知係實到可以當啞鈴練臂力，味道就... 龍門石窟真係值得一訪，無論你鍾意歷史、佛教文化，定係純粹想打卡影靚相，都唔會失望。不過建議夏天黎記得帶定遮、毛巾同水，不然真係熱到佛都出汗～ 📢 下集還會帶大家去更多景點﹑美食，旅程越來越精彩！記得點讚、訂閱，還有開啟小鈴鐺，我們下一站見！✨🎥❞更多MomoJoeJoe 日常↷🐦 YouTube Channel: https://www.youtube.com/c/MoMoJoeJoe廢青環遊世界📷 Instagram: @momo.joejoe/ @chels.parrot/喜歡我們的影片可以訂閱 ﹑讚好和留言按個小鈴鐺就不會錯過我們最新的資訊再次多謝收看Thank you so much for watching this video If you like it, please subscribe, smash the like button, and leave a comment 😊 !!Have a nice day!Momojoejoe
