沒有廣告，沒有業配，記得訂閱 贊助支持：)蒙古究竟是不是真的窮？想探索蒙古國首都烏蘭巴托的歷史與文化精髓？Momojoejoe將帶您走訪市內五大必到景點——包括象徵民族精神的蘇赫巴托廣場、被評為全球二十個必訪博物館之一的成吉思汗博物館、充滿俄式建築風格的中央郵政局、見證蒙古與蘇聯友誼的翟山抗日紀念碑，以及歷史悠久的蒙古國立大學。 今日帶大家睇下蒙古首都烏蘭巴托市中心嘅5大景點～行完你就知，其實烏蘭巴托的市區都幾有睇頭！🔹 第一站：成吉思汗博物館 Chinggis Khaan National Museum🏛️🗺️ 講起成吉思汗，梗係要講埋佢專屬嘅博物館啦！被評為全球20個必去博物館之一，館藏有9層，從鐵蹄征服之路到蒙古帝國帝王﹑貴族的文化，一次睇到成個歷史發展📜。除咗有手稿、雕塑、縫紉刺繡到現代先進技術等，仲有純羊絨製成的成吉思汗畫像，真係每個展廳都令人嘆為觀止！🔹 第二站：蒙古國立大學 National University of Mongolia 🎓📚點擊圖片放大 呢間係烏蘭巴托最古老、最具代表性嘅大學。成立於1942年，係蒙古高等教育嘅搖籃～行過佢門口，記得睇下嗰座喬巴山雕像。喬巴山係蒙古嘅近代領袖之一，喺蒙古社會主義時期好有影響力，有人叫佢做「蒙古嘅史太林」😅，可想而知佢地位幾高！🔹 第三站：蘇赫巴托廣場 &蒙古國家古典藝術劇院🐎✨ 嚟到蒙古，一定要去蘇赫巴托廣場打卡～呢個廣場名係為咗紀念蒙古民族英雄達木丁·蘇赫巴托（Sükhbaatar）而改，佢係領導蒙古脫離中國清朝統治嘅關鍵人物之一，1911年革命後成為蒙古獨立運動代表，仲係蒙古人民革命黨創黨人之一。 其實蒙古過去屬清朝的藩屬，直到20世紀初先有獨立浪潮，而蘇赫巴托就係帶領蒙古喺1921年脫離中華民國影響、建立人民政府嘅關鍵人物，所以佢喺蒙古人心目中地位超高。回到廣場中央矗立着蘇赫巴托的騎馬銅像🐎，象徵他對蒙古自由的貢獻，紀念佢勇武領軍，帶領蒙古邁向現代化。北面國家宮是蒙古國總統、政府、議會所在地，樹立有雄偉的成吉思汗坐像，充滿氣勢，有保安守住，所以樓梯是不能上的。2013-2016蘇赫巴托廣場仲曾經改名做成吉思汗廣場，咁你話兩位民族英雄點揀先好呢？😂再加埋日劇《VIVANT》嚟呢度和隔壁蒙古國家古典藝術劇院取景，堺雅人Fans GOGOGO!📸點擊圖片放大 +2 小貼士📌：6-8月是蒙古的旅遊旺季，想影無人靚相就要早啲起身啦！🔹 第四站：烏蘭巴托中央郵政局 Ulaanbaatar Central Post Office✉️🏤 睇完莊嚴地標，去返輕鬆啲嘅地方～烏蘭巴托中央郵政局外表超俄風，其實亦代表咗蒙古一段歷史：由蘇聯影響下建立現代化國家機制。以前蒙古用馬匹遞信（真係騎馬！），直到1920年代建立蒙古人民共和國後，郵政系統先逐步現代化，成為全國網絡。而中央郵局唔單止寄信，仲係旅客熱門買手信、寄明信片嘅地方。提醒你，記得睇價錢，識玩就唔會俾人當肥羊宰啦！🔹第五站：翟山抗日紀念碑 Zaisan Memorial ⛰️🪖點擊圖片放大 最後帶你登高望遠～翟山。唔想由地下行上山，建議你們學我們一樣經過購物中心，穿過玻璃橋再上山。來到全烏蘭巴托最高點，本身就叫「宰相之山」，但最出名係因為紀念蒙古同蘇聯聯手打抗日戰爭。1945年，蒙古軍同蘇聯紅軍一齊打擊日軍，佢哋角色雖然唔多被提起，但實際上係東北戰場嘅一環。紀念碑喺1960年代建成，超大圓形壁畫描繪住戰爭場面，同時歌頌蘇蒙友誼～喺冷戰時期，蒙古係蘇聯嘅盟友之一，所以好多建築都好有共產色彩。山上望落成個烏蘭巴托，仲可以睇到蒙古傳統草原景、ger蒙古包，配埋現代建築，真係城市vs草原嘅完美融合 🌄 大家又會唔會親身俯瞰整個烏蘭巴托的都市呢？📢 預告時間：下集我哋會自製草原一日遊，冇貴價門票、冇tour guide催你走，冇人阻你打卡～絕對係一個你未聽過又超正嘅隱世地方！千祈唔好錯過呀！✨🎥/❞更多MomoJoeJoe 日常↷🐦 YouTube Channel: https://www.youtube.com/c/MoMoJoeJoe廢青環遊世界📷 Instagram: @momo.joejoe/ @chels.parrot/喜歡我們的影片可以訂閱 ﹑讚好和留言按個小鈴鐺就不會錯過我們最新的資訊再次多謝收看Thank you so much for watching this video If you like it, please subscribe, smash the like button, and leave a comment 😊 !!Have a nice day!Momojoejoe
