今次行香港島南區南朗山，可以望到海洋公園同遊艇會 聽聞呢一度睇日落同夜景都係一樣咁靚 毛利自己住南區從來未行過南朗山，所以決定一行。 不過啱啱落完雨加上春天所以就經常白濛濛一片 我深信如果秋天一定會好靚，係我會再來一次的行山徑 先係南朗山道巴士站落車，直接沿斜路上，途經新加坡國際學校 直上行大約十分鐘左右就會去到單程路架啦 之後就會看到左邊有條樓梯上去休憩公園 穿過去公園開始登山喇，全部都係樓梯 其實成個旅程都係個零鐘左右，好快都可以睇到海洋公園 但係始終呢啲天氣啲蚊係多到呢。。 行到上個亭，影返兩張相，已經咬左十幾粒， 所以我唯一行唔到去終點嘅唯一一條行山徑，有啲遺憾， 再行過呢個山頭應該就會見到海洋公園纜車架啦 可惜太多蚊，所以放棄左，離開，沿路走。 如果春天睇唔到景色，不妨上來睇夜景，但要帶齊行山裝備。 本身住帶大家食南區必食，唔係魚蛋粉係黃竹坑熟食市場嘅泰國餐。 不過因為早左走所以預計唔啱時間，夜晚先開。 咁就話俾大家到可以好好hea嘅地方啦 黃竹坑自起地鐵其實係一個死城，想搵嘢食係好難 但係依排好多餐廳進駐工廈。 今次介紹呢間係熟食市場對面直行工業大廈大家都熟悉嘅連鎖餐廳 點擊圖片放大 +2 反正佢係幾好食，唔使周圍搵，又唔洗同人迫。 仲見到有個好抵嘅lunch set＄128兩個人,一個意粉都過百啦 其實附近好多工廠餐廳都試過，下次就一次過介紹俾大家。 難度：** 風景：*** 交通：75,71,72A,48,78 南朗山道巴士站下車 Facebook : mollystravelbook Instagram : moneymollyxx
