好可能係香港最易行嘅行山路線 適合一家大細，特別係呢個涼涼地嘅天氣 除愉景灣外，南丫島亦充滿外國氣息 一年後踏足.更多唔同嘅餐廳進駐，好有渡假feel 今次由索罟灣行去榕樹灣， 想食完野先行嘅可以由榕樹灣開始行起。 香港仔出發，記得睇實船期，因為平日唔太密 先經過模達灣停一停，再去索罟灣喇 碼頭向右行，沿途都有好清楚指示牌 經過天后廟，分叉行右!!!!! 去到呢度再轉上去。 好快就到呢個觀景亭了，抖一抖，再行 點擊圖片放大 沿路係冇乜遮蔽位，記得做定防曬準備。 點擊圖片放大 好快就下山，穿過洪聖爺灣。旁邊都有好多特色嘅餐廳 再過冇耐就見到有指示牌指右邊上山去風車 嚟左咁多次都冇去，今次一定要去睇一睇 全程路線最辛苦就係睇風車嘅呢段路，路經菠蘿山莊 呢度全部都係斜路，行三個字左右 見到巨型近距離嘅大風車啦， 右邊上觀景亭係風景最好嘅地方 跟住就落返山呀，跟住好快就到好多餐廳嘅街道 去到盡頭轉左去榕樹灣遊樂場方向 就會見到今次介紹嘅餐廳Hide out 喇 點擊圖片放大 之前成日見到雜誌介紹，都想試吓，最欣賞佢有户外座位 聽住歌望住海邊吹着風食All day breakfast 簡直覺得自己去左渡假，份量唔少，味道仲唔差添 點擊圖片放大 +3 咁曬咁熱嘅天氣雖然有風，但都好想飲番杯冰凍嘅荔枝冰茶 大家記得睇實時間啊因為Miss左一班船下班可能要等一個鐘 時間啱啱好搭三點五十五分出香港仔。 路線: 索罟灣--->榕樹灣 交通: 香港仔上落船/中環(只去榕樹灣) 難易:2/10 全程石屎路冇碎石 時間:1.5hours 風景:7/10 Facebook : mollystravelbook Instagram : moneymollyxx
