在Facebook 一年前回顧見到呢張天梯相 心諗點解第一次行山就係啲堅野(btw 仲要2月14) 令我想即刻介紹比大家哈哈,反正見冇咩人介紹過 搭車往赤柱方向,喺赤柱峽道下車,向上走,會見到大潭郊野公園牌 開始上樓梯,唔會見到盡頭 大約唔知幾多千級之後,就開始望到後面好靚嘅海灣景。 唔知有冇人同我一樣如果樓梯冇嘢扶,後面又咁空曠系好驚向後跌 再行都唔知幾多千級,終於有張凳有個牌,可以欣賞下孖岡山景 係靚嘅,感覺比龍脊還靚 繼續開始上幾千萬級,終於都見到頂喇! 正式開始下山,但係落山嘅路好似仲勁過45度角,全沙石 上左咁多樓梯緊係要落返樓梯啦,完全係落樓梯都腳震。 點擊圖片放大 終於到分叉路口啦,我哋選擇行右邊方向去大潭水塘 基本上都係同一般圍住水塘嘅路一樣,平路。 出到去就有巴士站出返赤柱了 隔咗一年都仲記得點行,就知有幾深刻啦 如果行山行到悶,想挑戰下難度,真係可以試吓,又有景睇。 難度: 8.5/10 風景: 7/10 時間 : 3-4小時左右單程 (計埋係樓梯抖嘅時間) 交通: 赤柱方向既車,赤柱峽道下車 沿衛奕信徑一段上,到分叉向右往大潭水塘行 下個分叉向右往大潭水塘道行至巴士站 *照片攝於上年2月* Instagram : moneymollyxx Facebook: mollystravelbook