上午有事出開上環區,中午點零鐘左右和老公邊傾談邊走,發現了這間餐廳@我愛慢煮(the hangout corner) 餐廳位置唔算很顯眼,明明行出一條街就係熱鬧嘅街道,但餐廳身處嘅地方就偏偏有份額外嘅寧靜感。 餐廳設計中西合璧,用上西式吊燈,又有中式掛畫。 先order 了兩個set lunch,主菜還包埋:健康沙律🥗、脆薯條🍟、是日本菜、是日黃蛋醬、凍果茶(凍果茶可加錢轉其他飲品,所以餐飲轉了:鮮奶咖啡 +$15 和是日手工啤酒+$25) 主菜一上枱,第一時間忍唔住先食薯條,薯條一般配茄醬,而呢度係沾黃蛋醬。脆卜卜、薯仔味香濃,就算凍左之後都好好味。🥩牛板腱扒(平鐵)$100 點擊圖片放大 +2 出面一般餐廳煎牛扒邊位略為過熟,而中間位則較生。但呢度絕對無呢個問題,用上美國頂級安格斯牛扒煎到七成熟,外圍香脆,應該係慢煮關係,可以做到整塊牛扒都能平均地分布七成熟,非常Juicy 。🍗秘烤雞鎚2隻 $65 雞鎚甜甜地、有香草味、亦食到有少少辣辣地,肉質嫩滑,醃料完全滲透入整個雞鎚😋,滋味多汁。其實本身set lunch 已有沙律菜,但想健康啲食多少少蔬菜🥬,所以再order 了🦀蟹肉芒果沙律$70 有蟹肉的海鮮味、加上新鮮原粒芒果🥭的甜酸味、再mix 埋新鮮蔬菜非常開胃。還有一塊甜軟窩夫🧇,食完之後感覺超滿足。☕️鮮奶咖啡 咖啡味濃,但無澀味,剩係落少少糖漿就足夠 🍺是日手工啤酒飲落有少少紅莓味,都幾得意。 慢功出細貨,慢煮出美食,再慢慢享用, 休閒地過了一個下午。 📍我愛慢煮(the hangout corner)地址: 上環普慶坊18號