呢排天氣好反覆，返工嗰陣就好陽光，放假就成日落大雨，要星期六日好天，真係唔容易，可以係樹叢下吹涼風，食早餐一邊傾計一邊享受悠閑的環境，係我最嚮往嘅家庭日。見連續好天咗幾日，就早一日book枱，去太平山餐廳食早餐！ 大約9點，就岀發去太平山頂！可以去到金鐘站C1 岀口，前行右手邊搭15號巴士，大約20分鐘就到，沿途又有風景睇～ 我Book咗10:00 室外位，正正係樹叢下面，唔怕曬到 :) 因為係山頂，可以望到好遠嘅港島南區風景，有大海同山景。 太平山餐廳的建築，有磚牆、拱門及屋頂的木桁架，與1901年落成時的樣貌也是差不多，從前給轎夫休息及安放轎子的地方，後來改建為西餐廳及露天茶座，依家係香港二級歷史建築之一。 記得小時候來這時是冬天，我們坐在室內，有著溫馨暖暖的畫面，樂隊在現場表演，現在每晚的7:30也繼續有音樂表演。特別鐘意喺室外用餐！可以跟大自然貼近一點，環境舒適帶點輕柔音樂，空間很大放置了五十多個座位，也種植了不少樹木，可以令心情放鬆。 早餐時段是08:30-10:45，星期六、日及公眾假期先供應， Menu有好多都想食，價錢$88-138左右，也算合理，11點前咖啡可以無限添飲， 中式早餐有蝦粥、雞粥及炒麵，西式All day breakfast、pancakes等！ 另外，想食嘅French toasts同中式炒麵今日都賣哂， 建議大家可以早一啲到，選擇都多啲！ All day breakfast $138 有徳國香腸、火腿、煎蛋、薯餅同茄汁焗豆， 豐富滿足，11點前咖啡仲可以無限添飲！ Egg Benedict $128 水波蛋切開有流心，整得啱啱好， 火腿同麵包都好煙un，食咗一個都飽飽地。 French toasts, 配忌廉,藍莓果醬,糖漿 $98 熱辣辣有糖霜係面,toasts炸得好脆, 裏面包滿 藍莓果 配埋凍忌廉, 超滿足:D 早餐有中式早餐，可炒麵可以配雞粥或蝦粥 $118 炒麵唔油膩都幾好，好夠雞絲食鮮味， 仲d餸粥食嘅脆脆可以加埋食，超懷舊。 難得咁好天，屋企人話食埋lunch先走 ( 我以為講笑，原來係講真)，lunch menu就較多國際化菜式，例如: 印度咖哩、意大利飯、漠堡包等。 脆炸軟殻蟹$148 之後嗌咗兩款菜式share食，大約有兩隻份量， 炸得香口唔油膩，略嫌粉漿較厚，又點少得一杯冰凍啤酒呢～ 白酒香草煮青口 $228 有13隻大青口，味道唔差嗰白酒汁好香， 如有一份法包，可以點埋啲汁就好na！ 最後，食埋甜品先，揀咗香橙梳乎厘要趁熱食喔， 店員都好親切，會推介一下食物，閒聊幾句傾下天氣，感覺輕鬆〜 －－－－－－－－－－－－－－－－－ 太平山餐廳 The Peak Lookou 星期一至四: 10:30-23:30 星期五: 10:30-01:00 星期六: 08:30-1:30 星期日: 08:30-23:30 (早餐時間: 星期六、日及公眾假期08:30-11:00，10:45last order) 地址: 太平山山頂 山頂道121號 電話: 2849 1000 交通: 可以到金鐘站C1 岀口，前行右手邊搭15號巴士，大約20分鐘就到 －－－－－－－－－－－－－－－－－ 早前文章 [ 香港 太平山山頂 ] 一個靚影、兩間餐廳、三個展館 http://www.mohkc.com/2016/09/hong-kong-peak.html －－－－－－－－－－－－－－－－－ 飲食。旅遊。生活。攝影博客 Blog：MOHKC.COM Facebook Page: Mohkc 頭上插著筷子, 到處吃! Instagram: MOHKC 相機：Sony A7II 鏡頭：Carl Zeiss 50mm F/1.4 ~ Hong Kong local tour ~ http://samthelocal.com/locals/momoc/ －－－－－－－－－－－－－－－－－ 2017. 6
