有無人同我一樣，咩時候都鐘意打邊爐？ 以下分享我最鐘意嘅6間火鍋店，回頭率極高，特色又抵食，有雞煲、火鍋、炭爐羊肉、粥底海鮮...天氣咁凍約埋一班gathering就啱哂！ －－－－－－－－－－－－－－－－－ 1, 高質麻甩 － 力奇四季火鍋 必食: 豬骨湯底、肥牛 平均消費: $ 200 - 250/位 呢到最岩一班朋友嚟，份量又多又好食，不過無得book枱，可以早啲嚟攞位，大大份嘅美國肥肉$288，好似牛扒咁大塊，份量多到成座山咁~ 灼到粉嫩色就食得，口感仲好滑，配料牛丸都好高質，湯底就要揀豬骨湯底$240，有好多雞腳、豬骨蔬菜煮成，超豐富〜 力奇四季火鍋 星期一至日18:00-02:00 地址: 大角咀 角祥街53號地下 電話: 2789 3932 點擊圖片放大 +2 豬骨湯底 厚切超靚肥牛 －－－－－－－－－－－－－－－－－ 2, 惹味滑雞煲＋人情味小店 — 前家樂餐廳火鍋店 必食: 麻辣雞煲 或 芝士雞煲 平均消費: $ 180-250/位 突然雞煲引起，都會嚟呢間火鍋店，經過咁多次，老闆都記得我同朋友個名，有一次三個人食咗兩隻雞麻辣雞，破咗餐廳紀錄 哈哈，除咗雞煲仲有燒魚煲，有沙巴龍躉、鯇魚及桂花魚，約$188起，雞煲有麻辣、芝士、香辣雞蟹煲及花雕醉雞，半隻$138起，一隻$238起，不時會推出新口味！ 芝士雞煲 $158/半隻，都夠三位食，芝士會容易燒焦，所以及早熄亦令火雞肉非常嫩滑，令到每件雞肉表面都黏滿芝士，夾起是非常連絲，因為鍋中用上四款不同芝士，經過店家反覆測試，就成為美味芝士雞煲，依家都令我回味！ 前家樂餐廳火鍋店 Happy Family Restautant 星期一至日: 17:30-02:00 地址: 大角咀埃華街119號地下 電話: 3486 6286 詳細介紹: http://www.mohkc.com/2016/04/happy-family-restautant-hot-pot.html 點擊圖片放大 +3 麻辣雞煲！！ －－－－－－－－－－－－－－－－－ 3, 粥底海鮮 — 靚粥工房 必食: 所有 ( 食唔哂要打包!! ) 平均消費: $ 198 - 230 /位 呢間粥底火鍋己經食過第8次，同朋友介紹過無數次，價錢係一個set咁計，4位起每位$198，有大約15款食材，包括塔門魷魚、鮑魚、蝦滑、聖子、蜆、泥鯭、白魚丸、三點蟹、帶子、牛展、雞件、南瓜、雞髀菇、響鈴同油炸鬼！老闆會睇邊樣海鮮新鮮，以當晚有所改變。 每晚分兩個時段，6-9:30, 9:30-深夜，星期日休息，為咗食試過有一次由11點食到凌晨1點幾，仲要3個人食4人份量 (因為臨時放飛機照計)，舖頭得20個位左右，所以好難book枱，如果要指定時段，最好早四, 五個月book啦〜 靚粥工房 星期一至六: 12:00-02:00 星期日休息 地址：佐敦上海街24號1A號舖 電話：2377 3813 點擊圖片放大 +6 －－－－－－－－－－－－－－－－－ 4, Live Band x 火鍋 － 伙食工業 必食: 燒酒雞鍋 平均消費: $ 160 - 200/位 一人鍋物中，有三個選擇，我食咗壽喜燒牛肉鍋同燒酒雞鍋，另外有台式藥燉排骨鍋 ，可以追加蔬菜及牛肉拼盤，份量足夠兩位用。 壽喜燒火鍋$160 + 蔬菜拼盤 $45 鍋中有金菇、肥牛、豆腐、東菇、南瓜、蔬菜、烏冬、粟米等，放得滿滿的，只是牛肉片比較厚，難以掌握熟成程度。比較喜歡燒酒雞鍋$150，雞肉唔會好老，配一個素麵，吸收哂雞湯嘅精華，再飲啖湯就暖哂〜 伙食工業 Fooody 星期一: 12:00-18:00 星期二至日: 12:00-22:30 地址: 火炭 坳背灣街57-59號利達工業中心地下3號舖 (正門入口-火炭路) 電話: 3586 0863 詳細介紹: http://www.mohkc.com/2016/10/fooody-live-band-hot-pot-taiwan-food.html 點擊圖片放大 +5 －－－－－－－－－－－－－－－－－ 5, 北京炭爐羊肉鍋 — 泰豊廔酒家 必食: 羊肉片、羊肉丸、羊肉餃 平均消費: $ 300 - 350/位 用咗長煙囪銅爐炭鍋，同北京餐廳嘅一樣，令人懷念〜 先混醬，調味料有就有10樣，我會落花雕酒、豉油同京蔥，將羊肉片切到薄薄的，幾片一齊放入煲煮熟，羊肉羶味再濃啲，新鮮羊肉丸同京蔥羊肉餃都同樣好食，食完仲會送高力豆沙做甜品〜 泰豊廔酒家 星期一至日: 11:30-15:00, 18:00-23:00 地址: 尖沙咀 漆咸道29-31號溫莎大廈 電話: 2366 2494 點擊圖片放大 +8 －－－－－－－－－－－－－－－－－ 6, 花膠雞 － 鮮入圍煮 一定要book枱 平均消費: $ 250 - 300/位 鮮入圍煮 星期一至日: 17:30-03:00 地址：旺角登打士街43H號登打士廣場2樓 電話：2782 2003 濃厚原隻雞煲花膠湯 $238，雞湯有分大細兩款，大的適合四位以上享用，而我哋的就點個細份嘅2-4位就岩哂啦！會見到雞湯顏色好都比較黃，原來係用好多份量嘅雞，再煎出雞油後再滾湯，都要煮好耐，店員仲話呢個湯，濃到好似雞汁咁，之後再另加入一隻蒸熟嘅雞，放入湯嘅時候仲係好嫩滑，好輕易就將佢骨肉分離啦，令平時好少食湯底材料嘅我，都一下子食清光，另外仲有起碼有四隻花膠都好厚身，令到湯水飲落口嘅時候令嘴唇有仲唸住嘅感覺，整體相當滋潤呢〜 點擊圖片放大 +3 －－－－－－－－－－－－－－－－－ 北京特色火鍋介紹： [ 北京 ] 街邊宵夜一蚊串 http://www.mohkc.com/2016/08/beijing-food-at-night.html [ 北京 ] 兩大新潮火鍋店 http://www.mohkc.com/2016/08/beijing-trendy-hot-pot.html －－－－－－－－－－－－－－－－－ 出來工作後 很難約到一班朋友 齊人食一餐飯 你有同感嗎？ 上面的相片 都是跟朋友親人吃的 有你們的陪伴 就讓一頓飯變得美味 記憶也是一樣 有情感的投入 就變成深刻的回憶 (還不快快share 條line約班豬朋狗友〜) －－－－－－－－－－－－－－－－－ －－－－－－－－－－－－－－－－－ 飲食。旅遊。生活。攝影博客 Blog：MOHKC.COM Facebook Page: Mohkc 頭上插著筷子, 到處吃! Instagram: MOHKC 相機：Sony A7II 鏡頭：Carl Zeiss 50mm F1.4 ~ Hong Kong local tour ~ http://samthelocal.com/locals/momoc/ －－－－－－－－－－－－－－－－－
