今日依舊掛著狂風大雨,好唔容易經過濕滑嘅街道,嚟到炮台山的餐廳ROJO,餐廳主打西班牙菜式,餐廳的招牌用上紅色,係黑暗中十分耀眼,因為"ROJO"喺西班牙文裏面解做紅色,諗起鬥牛勇士手上嘅布,對付着頭上有尖銳牛角鬥牛,迎面襲擊非常好勇。 預先book好枱,大約7點到餐廳,很快差不多坐滿客人,可能跟之前雜誌報道有關,帶動了不少人氣,餐廳約兩個部份,由門口行入黎,有二至六人枱,背着有一個紅酒櫃,再轉入盡頭,比較隱蔽,感覺私隱度較高。 餐牌第一頁就有各種特色西班牙頭盤,餐廳推介嘅主菜乳豬龍蝦等,好多選擇,點餐後,店員就推薦著各款雞尾酒,解釋詳盡,說明了酒中的成份及味道,方便我哋選擇! Octopus Tartare $88 用薄切八爪魚鋪平放係上面,彈牙容易咬開,唔會過熟,底層有牛油果加上薯仔粒嘅沙律,壓成整齊嘅圓形,旁邊再放番茄粒同蔬菜,顏色鮮艷搶眼,特別開胃。 點擊圖片放大 +2 Truffle Bikini $78 造型就好似嘅Bikini嘅三角形褲仔,所以有呢個名,芝士會有連絲感覺,有濃郁嘅黑松露味道,要襯熱喔,凍左就唔好食架啦! 點擊圖片放大 +3 Strawberry Daiquiri $68 店員極力推介餐廳嘅cocktails,我就點咗有香橙同士多啤梨果味嘅Strawberry Daiquiri,開胃之選! 之前聽過一個西班牙朋友講,當地嘅酒吧會免費送辣椒炒意粉,比happy hour入嚟嘅食客,食完覺得辣,就會嗌飲品,真係win win雙贏,我都想去試下! Garlic Prawns $68 之後就有辣椒蒜片蝦多士,一碟五件帶香辣味道,只係有少少過熟,改善一下可以做得更好。 點擊圖片放大 Pork Belly $88 幾款小食好快就到齊,呢款五花肉配饅頭,用中式食法,用饅頭夾住烤到半焦燶嘅五花腩,口感半柔軟,半脆口,油脂亦自然滲出,加上醬汁好惹味,推介比大家! 點擊圖片放大 +2 Churros $68 嚟到西班牙餐廳,最期待食到新鮮炸好,又香脆嘅Churros配朱古力醬,特別在於呢間餐廳嘅食譜,令油條中心柔軟嚼勁,接近麻薯嘅口感,口感特別令我難忘! Kings Martini $68 最後再點多杯cocktail,我話想要啲果味嘅,佢就整咗呢杯,仲用咗餐廳老板Kings嗰名 哈哈,有檸檬嘅酸甜,令dry martini容易入口。 平均消費$300/位,2位,1個頭盤+3個小食+2杯cocktail+1個甜品 (包括加一服務費) ROJO 天后木星街3號地下B舖 港鐵炮台山站 A 出口, 步行約5分鐘 Tel: 2715 7777 星期一至六: 12:00-15:00; 18:00-23:00 星期日: 18:00-22:30 ------------------- 更多美食介紹 http://www.mohkc.com/search/label/mohkcfood300below 多謝支持! 有更多相片分享可以到我嘅專頁 Mohkc’s :) MOHKC.COM https://www.facebook.com/mohkcshare/ https://www.instagram.com/mohkc/ -------------------