難得去到巴黎，緊係要食好啲，以下介紹呢間餐廳，窮遊都食到！ 最好六點前就去到餐廳，因為都幾多人去幫襯。附近係個新社區，仲有大學，一條餐廳食街，好有Soho感覺，跟住地圖行一陣就到餐廳。 價錢大約三四十歐一款，份量最少足夠兩位食。 同張相一樣豐富，一盤送上放滿海鮮！每人€20左右，一共有三樣item，一盤海鮮下面有幼薯條、一煲海鮮risotto及另一盤薯條。 有龍蝦、青口、大蝦、魷魚、蝦底層仲有一堆幼薯條，真係唔飽都唔得！ 食到半飽，都仲有咁多 Oh~ 點擊圖片放大 +2 Risotto有青口及八爪魚，都好有鮮味！ 呢到多我哋兩個女仔食，之後個打包個飯，薯條都未有機會掂，個肚皮就漲唒 哈哈 埋單一共45歐，除返都200HKD 以下！法國就無Service charges，不過就要嗌飲品，可以嗌支最平嘅有汽水，大家share一定夠飲！ 餐廳： Pedra Aita 地址：13-15 Place Lachambeaudie, 75012 Paris 交通：地鐵M 14 -> Cour Saint-Émilion 平均消費：HKD＄200-250 －－－－－－－－－－－－－－－－－－－－－－－－－－－－－－ mohkc's 遊法國博文： 除咗羅浮宮外＊必去的博物館 http://www.mohkc.com/2016/04/blog-post_87.html ［ 0失敗 ］法國家常菜 * 甘香鴨腿薯蓉 http://www.mohkc.com/2016/05/0.html 多謝支持! 有更多相片分享可以到我嘅專頁 Mohkc’s :) Instagram / Facebook page/ Openrice/ ublog/ Pinterest/ 大眾點評: mohkc 頭上插著筷子, 到處吃 mohkc.com
