倆老講過，我哋一家人最洗錢嘅地方就係食 前排煮食爐壞咗，由早餐到消夜，都要出街食，令到我哋一家人食飯可以試多啲新野，放題都係一個唔錯嘅選擇，因我哋幾個簡直係一個黑洞，放題多元化唔怕食唔飽，呢到有刺身、板燒、網燒、蒸海鮮及打邊爐，就係一餐飯裏面可以食到！ 點餐紙都有十一張，成二百幾樣嘢食，另外可以加$88升級，磯煮鮑魚、美國牛肋骨、松葉腳、 元貝及生蠔等，食多幾隻生蠔同鮑魚都夠回本。餐廳以卡位為主，靠窗一邊有幾間私人房，我哋坐六人枱就有兩個爐頭，非常方便，枱大到可以擺好多食物，近門口位置仲有得睇電視，亦有自助海鮮沙律吧，多款罐裝飲品自取及甜品雪糕等等。 先黎個海鮮盤，放滿黎自美國嘅生蠔，配上茄汁及檸檬汁，食落都幾新鮮，不過仲有啲蠔殼係表面，再清潔得好啲就好喇！另外有一隻隻刺身大蝦，我哋都重複再order就知品質ok！今日太豐富啦，肚皮要留返食之後嘅好嘢。 特別有磯煮鮑魚，以放題嚟講都幾少見，不過有驚喜。鮑魚煮得入味，有味醂及醬汁香，入口彈牙，煮之前已去除內臟，食得特別爽快。 選擇先點海鮮，食落應該冇咁飽濟，三文魚鮫肉質更嫩滑，選用嘅部位帶有魚骨，燒完都唔會散開。青口就塗上牛油，放落板燒，唔會因水分蒸發易變得乾身，好細心。蜆肉最啱用蒸氣煮熟，鮮甜又無沙，新鮮食材不二之選。帶子上面事先放上芝士，肉質一絲絲，火力令芝士燒溶就差唔多食得，大大隻熟咗都唔會縮水，配合鹹香芝士特別帶出甜味。 點擊圖片放大 +6 放題嘅牛肉都有咁款，有不同部位安格斯一口牛、牛舌、西冷、牛仔骨、牛肩胛肉眼，簡單調味一下，每款都充滿肉汁，推介牛胸膜，唔好睇見咁脂肪就怕怕，因為牛胸膜嘅係每隻牛都好少量，所謂物以罕為貴也值得試試，亦唔多餐廳有，煮熟後比較有咬口，如果燒牛肉我會建議用網燒，好讓油脂卸下。另外升級了食材，可以無限食牛肋骨，肉質彈牙，有濃郁牛肉味。 點擊圖片放大 +7 最後叫咗啲小食，有雞翼及天婦羅，雞翼分成單骨方便煮熟，最好放係圓邊位，容易睇火，亦有芝士雞翼推介，中火慢慢燒會更脆口。點咗細份天婦羅同雪糕，就差唔多夠鐘啦。 點擊圖片放大 +2 整體服務都幾好，上菜快，不時幫我地收下碟，因為食海鮮特別多貝殼，換碟及要多啲紙巾都好快做好。餐廳抽風系統都OK，唔會好大煙。食物選擇多時間都夠，放題價錢大約二百蚊，係抵食之選！ 平均消費$314/位，$198兩小時放題+ $88升級 板燒郎燒肉鐵板放題料理專門店 星期一至日: 17:00-02:00 佐敦白加士街66號新寶廣場5樓全層 Tel: 3543 1183
