司機大佬，帶你玩足全個柬埔寨，去食只有當地人知嘅小食！ 自遊行，出發前只係買咗平價機票、book酒店、諗想去咩景點(其實淨係識吳哥窟)，咩都無計劃就飛咗去啦！ 友人之前就係討論區睇睇，見到有司機Ta Long嘅介紹，好評不錯，就係facebook聯絡佢，事前同佢講想book幾多日，航班資料就可以，當我哋到步，佢就係機場接我哋去酒店，到酒店就商量一下呢幾日嘅行程。 Plan咗嗰幾日去邊，Ta Long亦推介咗好多景點，大概收費$193美金，如果4位就除4，因為我哋有兩個想去嘅景點都幾遠，大約2, 3個鐘車程，要揸私家車去，所以貴少少，不過除返咁多日每位大約50蚊。 Ta Long有一間八到十人車，同兩間TukTuk，仲會帶埋凍水比我哋！ 點擊圖片放大 +2 Ta Long帶我哋去到景點都會介紹一下，等我哋行完就係岀口接返我哋。 Ta Long Facebook: https://www.facebook.com/nhem.rathana Ta Long blog 介紹柬蒲寨景點: http://dalongdriver.blogspot.hk/?m=1 WeChat: Rathana01 Talk Messenger: Rathana1 - - - - - - - - - - - - - - - - - - - - - - - - - - - - - - - - - - - - - - - - - - - - - - - 好啦，介紹食當地小食！ 一、模 先係落機就帶我哋去餐廳，其中有咖哩，雞肉帶甜味，唔辣好食！ 下面用椰子載住咖哩蔬菜肉類嘅叫“模” KhmerAmok，係柬埔寨傳統菜式，分別不大哈哈，都係一個特色。餐廳都係半室內為主，有風扇有wifi都唔差。 點擊圖片放大 +3 二、竹筒飯 係公路上擺賣，裏面有椰汁糯米飯同紅豆，用炭火煮熟，買返去用暴力打開就食得！食落有好香竹筒味道，飯粒嚼勁，帶有椰香味。 三、棕櫚果 睇落有啲似大菜糕，摸上手軟淋淋，食落唔太甜，都幾好咬，適合雪凍食。 四、柬蒲寨咖哩米粉 當地人平常食嘅咖哩米粉，有兩款咖哩汁選擇，最特別用上香蕉樹上嘅花，切成幼絲，放上湯面上，爽口嘅香蕉花同滑米粉搭配起來，口感幾好，飲埋嘅湯仲正，只係一蚊美金！！ 五、啤酒 酒吧飲啤酒只係$0.5，仲平過水，推介Cambodia個隻，當地人會去啤酒廠到飲tim！ 仲有啲街邊食物，有興趣可以一試 :D 多謝支持! 有更多相片分享可以到我嘅專頁 Mohkc’s :) Instagram / Facebook page/ Openrice/ ublog/ Pinterest/ 大眾點評: mohkc 頭上插著筷子, 到處吃 mohkc.com
