平時黎食都係牛腩, 魚蛋粉麵, 有一日見到一個自己黎食麵嘅大叔, 見佢一個咁寂寞, 留意到佢嗌咗一份羊腩麵, 其間同店員講佢去過邊到食羊, 點樣煮會好食, 一聽就知係專業食家haha, 天氣咁凍, 我都嗌返碗會一會佢先, 全餐所有食物都禁用味精, 保証原汁原味, 食完唔會口乾 自上次之後就對佢念念不忘, 可惜冇帶相機, 今日就拉大隊黎試埋其他炒粉麵先 1 牛腩:D 清湯羊腩河$64 羊腩唔算好大舊, 一層肥一層瘦, 羊皮無毛, 清得好乾淨, 煮得夠淋, 湯底濃郁, 食一啖已經好暖喇 另有咖哩羊腩, 都好想食 1 清湯羊腩 各款炒粉麵都可以加辣, 師傅提醒我地真係好辣架, 炒麵黎到好香, 我地嗌小辣, 食開中辣雞煲嘅同事都算頂得順 乾炒牛河$47 1 乾炒牛河 星洲炒米$47 1 星洲炒米 每樣粉麵飯+$2有凍熱飲或蕃茄薯仔湯 紅酒燴牛尾飯$55 牛尾切得薄啲, 食嘅時間方便, 煮得入味又腍 1 紅酒燴牛尾 *呢間餐廳晚市會做私房菜, 有多款小菜, 開始入冬喇, 可以黎試下羊腩煲 澳門咖喱王清湯腩 星期一至日: 07:00-21:30 牛頭角定富街16號地下 牛頭角地鐵站 B3 出口, 向右行約5分鐘 Tel: 2756 0303
